ភ្នំពេញ ៖នារីម្នាក់បានបើករថយន្តម៉ាកRANGE ROVERបានបើកជ្រុលទៅបុករថយន្តម៉ាកLAND CRUISE បណ្ដាលអោយឡានស្រ្តីវ័យចំណាស់ម្នាក់ក្រឡាប់ផ្ងារជើងទ្រមេឃហើយនារីអ្នករថយន្តបង្កបានព្យាយាមបើករត់គេចតែមានអ្នកដំណើរបានបើកដេញតាមពីក្រោយទើបឃាត់បានរថយន្តបានតែម្ចាស់បានចុះពីលើរថយន្តគេចខ្លួនបាត់ស្រមោល ដោយទុករថយន្តចោល ។ហេតុកាលនេះបានកើតឡើងនៅវេលាវេលាម៉ោង៣និង១០នាទីរំលងអាធ្រាត្រឈានចូលថ្ងៃទី២៣ ខែ តុលា ឆ្នាំ ២០១៦នៅចំណុចស្តុបវត្តមហាមន្រ្តី ស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ ។

ប្រភពព័ត៍មានពីស្រ្តីវ័យចំណាស់ជាអ្នកបើករថយន្តម៉ាកLAND CRUISERពណ៍ខ្មៅពាក់ស្លាកលេខភ្នំពេញ2W .8454បានប្រាប់អោយដឹងថាដោយមុនកើតហេតុគាត់បើករថយន្តតាមផ្លូវព្រះសីហនុក្នុងទិសដៅពីកើតមកលិចលុះមកដល់ចំណុចកើតហេតុស្តុបវត្តមកមហាមន្រ្តីក៏មានរថយន្តម៉ាកRANGE ROVERពណ៍សពាក់ស្លាកលេខភ្នំពេញ2AM 9992បើកតាមផ្លូវ១៦៣ពីជើងមកត្បូងហើយមកបុករថយន្តរបស់គាត់ចំពាក់កណ្ដាលរថយន្តតែម្ដងបណ្ដោយអោយរថយន្តក្រឡាប់ផ្ងារជើងទ្រមេឃហើយរបស់រថយន្តបង្កបានព្យាបាលបើករត់គេចពីកន្លែងកើតហេតុហើយមួយសន្ទុះក្រោយមកលឺថាសមត្ថកិច្ចឃាត់បាននៅតាមផ្លូវ១៦៣សង្កាត់ទួលទំពូងទី១ ខណ្ឌចំការមនហើយសមត្ថកិច្ចនគរបាលចំការមចុះទៅមើលរថយន្តបង្កតែត្រូវម្ចាស់រថយន្តរត់គេចខ្លួនបាត់ស្រមោលហើយដោយទុករថយន្តបង្កចោល។ ចំណែករថយន្តខូចខាតផ្នែកខាងមុខដោយបុកចំហៀងរថយន្តបណ្ដាលក្រឡាប់ផ្ងារជើង ។

ក្រោយកើតហេតុសមត្ថកិច្ចនគរបាលខណ្ឌ៧មករាបានប្រគល់រថយន្តទាំង២គ្រឿងទៅអោយការិយាល័យនគរបាលចរាចរណ៍ផ្លូវគោកវាស់វែងយករក្សាទុកជាបណ្ដោះអាសន្នសិនរងចាំដោះស្រាយពេលក្រោយ ៕

ដោយ៖ស រស្មី