ភ្នំពេញ៖ ជនសង្ស័យ៣នាក់ត្រូវកម្លាំងអន្តរាគមន៍រាជធានីធ្វើការឃាត់ខ្លួនខណៈពួកគេរក្សាទុកដែកកែច្នៃកាច់បំបែកសោ.កម៉ូតូនៅជាប់ខ្លួន កាលពីវេលាម៉ោង១០ និង៣០នាទីព្រឹកថ្ងៃទី២៤ ខែតុលា ឆ្នាំ២០១៦ នៅចំណុចមុខខារ៉ាខូខេញ៉ូស្តា ភូមិបុរីកម្មករ សង្កាត់ទឹកថ្លា ខណ្ឌសែនសុខ។
ជនសង្ស័យទាំង៣នាក់ទី១ឈ្នោះ ហេង សុគន្ធ ភេទប្រុស អាយុ២៧ឆ្នាំ មុខរបរជាងដែក ស្នាក់នៅភូមិខ្វា សង្កាត់ដង្កោ ខណ្ឌដង្កោ ទី២ឈ្មោះ ផាន់ រិទ្ធធា ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិជេីងឯក សង្កាត់ដង្កោ ខណ្ឌដង្កោ (មានឧបករណ៍កាច់បំផ្លាញមេសោ) និង៣ឈ្នោះ អំ វិរះ ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅភូមិជេីងឯក សង្កាត់ដង្កោ ខណ្ឌដង្កោ រាជធានីភ្នំពេញ ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ឧបកណ៍ល្មើសច្បាប់នេះពិតជារបស់ខ្លួនមែនតែពួកគេមិនបានធ្វើសកម្មភាពអ្វីទេ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខចាត់ការតាមផ្លូវច្បាប់៕
ដោយ៖ តុង សីហា
