ប្រជាពលរដ្ឋមានការងឿងឆ្ងល់យ៉ាងខ្លាំងដោយពួកគាត់ព្រួយបារម្ភស្ទើររាល់ថ្ងៃ ព្រោះតែនៅក្នុងភូមិសាស្ត្ររបស់ពួកគាត់កន្លែងណាក៏មានល្បែងស៊ីសង បៀ អាប៉ោង អ្នកកត់កន្ទុយលេខ អ្នកចាក់កន្ទុយលេខ និងអ្នកប្រើប្រាស់ថ្នាំញៀនផងដែរ ។
ប្រជាពលរដ្ឋបាននិយាយថា ពួកគាត់រាល់ថ្ងៃបានទៅផ្តល់ព័ត៌មានឲ្យលោក ស៊ិន សាវ៉េត មេប៉ុស្តិ៍ដែរតែលោកគ្រាន់តែឆ្លើយថា «បាទចាំខ្ញុំបង្ក្រាប» តែមិនដែលឃើញ បង្ក្រាបទាល់តែសោះ ។
ប្រជាពលរដ្ឋបានឲ្យដឹងទៀតថា ពួកគាត់រស់នៅសព្វថ្ងៃនេះមានការភិតភ័យខ្លាំងណាស់ខ្លាចកើតមានអំពើ ឆក់ ប្លន់ ចែកចាយគ្រឿងញៀននិងអាចឈានទៅកើតមានអំពើហិង្សាកាប់សម្លាប់គ្នាដោយសារល្បែងស៊ីសង និងប្រើប្រាស់ថ្នាំញៀន ពិសេសពួក គាត់ខ្លាចបទល្មើសទាំងនោះធ្លាក់មកលើកូនៗរបស់ពួកគាត់ដែលកំពុងសិក្សា ។
ជាមួយការរិះគន់នេះលោកវរសេនីយ៍ ស៊ឹម ប៊ុតបណ្ឌិត អធិការនគរបាលក្រុង តាខ្មៅបានប្រាប់ឲ្យដឹងថា លោកបានបញ្ជាទៅមេប៉ុស្តិ៍ខាងលើនេះឲ្យបង្ក្រាបរហូតតែ ដូចជាអត់ឃើញមានសកម្មភាពសោះ ។
ប្រជាពលរដ្ឋបានសំណូមពរឲ្យលោកអភិបាលខេត្ត លោកស្នងការនិងកម្លាំងមានសមត្ថកិច្ចជួយមានវិធានការទៅលើមេប៉ុស្តិ៍ និងបង្ក្រាបបទល្មើសល្បែងស៊ីសងនៅក្នុង ភូមិ-ឃុំគាត់ផងដើម្បីឆ្លើយតបនឹងគោលនយោបាយភូមិ-ឃុំមានសុវត្ថិភាព ៕
