ភ្នំពេញ៖ បុរស២នាក់បានបើករថយន្តយ៉ាងលឿនបួងចង្កូតមិនទាន់ជ្រុលបុកដើមត្នោត បណ្តាលឲ្យរងរបួសយ៉ាងធ្ងន់ធ្ងរដោយសារស្រវឹងស្រា កាលពីវេលាម៉ោង១រំលងអធ្រាត្រថ្ងៃទី៣១ ខែតុលា ឆ្នាំ២០១៦ ទល់មុខរោងចក្រសិប្បកម្មផលិតសេទែនប្រេង នៅតាមបណ្តោយផ្លូវបេតុងភូមិ កប់ភ្លក់ សង្កាត់ភ្លើងឆេះរទេះ ខណ្ឌពោធិ៍សែនជ័យ។

ជនរងគ្រោះជាអ្នកបើកបរឈ្មោះកូវ  ផានុប អាយុ៣៥ឆ្នាំ មុខរបរជាងភ្លើង រស់នៅភូមិភ្លើងឆេះរទេះកើតសង្កាត់ភ្លើងឆេះរទេះ ខណ្ឌពោធិ៍សែនជ័យ និងអ្នករួមដំណើរឈ្មោះលី តារា អាយុ២៧ឆ្នាំ រស់នៅភូមិជាមួយគ្នា ជនរងគ្រោះទាំង២នាក់រងរបួសធ្ងន់ទាំង២នាក់បែកមុខរងរបួសធ្ងន់។

តាមប្រភពព័ត៌មានពីកន្លែងកើតហេតុបាននិយាយថា មុនពេលកើតគេបានឃើញរថយន្តរងម៉ាក រេវហ្វរ ពណ៌ទឹកប្រាក់ ពាក់ស្លាកលេខភ្នំពេញ2Y-7573 បើកយ៉ាងល្បឿនលឿនក្នុងទិសដៅពីកើតទៅលិចប ន្ទាប់បានលឺលាន់សូរ្យដូចរន្ទះហើយប្រជាពលរដ្ឋបាននាំគ្នាចេញមកមើលក៏បានឃើញជនរងគ្រោះទាំង២នាក់រងរបួសយ៉ាងធ្ងន់ធ្ងរដោយបើករថយន្តបុកដើមត្នោតរងការខូចខាតយ៉ាងដំណុំ។ បន្ទាប់មកប្រជាពលរដ្ឋបានរាយការណ៍ឲ្យសមត្ថកិច្ចចុះមកអន្តរាគមន៍ហើយហៅរថយន្តមកសង្គ្រោះភ្លាមៗ។

បើកតាមសម្ដីជនរងគ្រោះជាអ្នកបើបរនិយាយទាំងឈឺថា រូបគាត់មានជម្លោះជាមួយប្រពន្ធ ហើយបានស្តីបន្ទោសឲ្យរូបគាត់ បន្ទាប់មកគាត់បានបើករថយន្តទាំងខឹង ហើយលុះមកដល់ចំណុចកើតហេតុដោយផ្លូវខាងលើរៀងកោងបន្តិចហើយជនរងគ្រោះបួងចង្កូតមិនទាន់បានជ្រុលទៅបុកដើមត្នោតខាងលើតែម្តង។

ក្រោយពេលកើតហេតុសមត្ថកិច្ចបានយករថយន្តទៅរក្សារទុកនៅប៉ុស្តិ៍រដ្ឋបាលភ្លើងឆេះរទះរង់ចាំម្ចាស់មកទទួល៕

ដោយ៖ សុខា សែនជ័យ