ក្តីសង្ឃឹមឈ្នះជើងឯកពិភពលោកនៅតែមានសម្រាប់ Lewis Hamilton បន្ទាប់ពី រូបគាត់បានឈ្នះការប្រណាំងនៅក្នុងកម្ម វិធី Mexican Grand Prix ។

ក្នុងការប្រកួតកាលពីថ្ងៃអាទិត្យនៅក្នុងប្រទេសមិុចស៊ីកូនោះ Lewis Hamilton បានយកឈ្នះលើមិត្តរួមក្រុម Mercedes គឺកីឡាករ Nico Rosberg ។

ការប្រកួតប្រចាំឆ្នាំ២០១៦នៅសល់តែ២ប្រកួតទៀតប៉ុណ្ណោះតែប្រសិនបើកីឡាករNico Rosberg អាចទទួលបានចំណាត់ ថ្នាក់លេខ២ទាំងពីរប្រកួតចុងក្រោយគឺរូបគេនឹងក្លាយទៅជាម្ចាស់ជើងឯក Formula One ពិភពលោកផងដែរ ។

កីឡាកវ័យ៣១ឆ្នាំ Hamilton បាន និយាយថា “នេះគឺជាជ័យជម្នះដំបូងរបស់ខ្ញុំនៅក្នុងប្រទេសមិុចស៊ីកូដែលធ្វើឲ្យខ្ញុំ សប្បាយចិត្តយ៉ាងខ្លាំង។ Nico Rosberg ធ្វើបានល្អនៅថ្ងៃនេះតែអ្វីដែលខ្ញុំប៉ងគឺទទួលបានជ័យជម្នះហើយខ្ញុំអាចធ្វើបាន”។

ចំណែក Rosberg បានថ្លែងក្រោយ ការប្រកួតចប់ថា “វាក៏ល្អដែរសម្រាប់ខ្ញុំ។ ខ្ញុំបើកមិនបានលឿនហើយខ្ញុំត្រូវតែទទួលយកចំណាត់ថ្នាក់លេខ២នេះដែរ”៕

ដោយ៖ ដេវីត