ភ្នំពេញ៖ ជនសង្ស័យ២នាក់កំពុងតែចែកចាយគ្រឿងញៀនតាមផ្លូវត្រូវបាននគរបាលប៉ុស្តិ៍ផ្សារដើមថ្កូវកំពុងល្បាតក្នុងមូលដ្ឋានក៏ប្រទះឃើញក៏បានឃាត់ខ្លួនបានភ្លាមៗរួមជាមួយថ្នាំញៀន១៣កញ្ចប់ ។ ហេតុការណ៍នេះបានកើតឡើងកាលពីវេលាម៉ោង១០និង១០នាទីយប់ ថ្ងៃទី៩ ខែសីហា ឆ្នាំ២០១៥ នៅចំណុចក្រោយខ្យូប៊ី ផ្លូវព្រះមុនីវង្ស ភូមិ៥ ក្រុម៣២ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
សង្សយ័មាន ទី១ ឈ្មោះ គង់ គឹមឈឿន ហៅប្រុស ភេទប្រុស អាយុ២៥ឆ្នាំ មុខរបរកម្មករសំណង់ ស្នាក់នៅភូមិបុរីសន្តិភាព សង្កាត់ព្រៃវែង ខណ្ឌដង្កោ។ ២ ឈ្មោះឌឹម ជំនិត ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅអង្គការមិត្តសំឡាញ់និងបានដកហូតបាន ម្សៅក្រាមពណ៌សថ្លាចំនួន១៣កញ្ចប់ធំ១ តូច២ និង ឧបករណ៍ សម្រាប់ប្រើប្រាស់គ្រឿងញៀន និងកូនថង់សម្រាប់ច្រកថ្នាំញៀនមួយចំនួនទៀត ហើយមានកូនកាំបិត១ ដែកស្រួចដងជ័រ១ និងលុយខ្មែរចំនួន១១.៣០០រៀល និងកាបូបខ្មៅមួយ ។
បច្ចប្បន្នជនសង្ស័យត្រូវបាននគរបាលប៉ុស្តិ៍ផ្សារដើមថ្កូវបញ្ជូនទៅអធិការខណ្ឌចំការមន និងកសាងសំណុំរឿង ដើម្បីចាក់ការតាមផ្លូវច្បាប់ ៕
ដោយ៖ ស រស្មី
