ភ្នំពេញ៖បង្គោលភ្លើងបំភ្លឺផ្លូវមួយដេីមបានវៀចនិងដាច់អំពូលភ្លើងធ្លាក់ទៅលើដីបណ្ដាលឲ្យបែកខ្ទេច ខណះដែរ បុរសម្នាក់បើកបររថយន្តក្នុងស្ថានភាពស្រវឹង រ៉េចង្កូតទៅបុកទាំងកំរោលបង្កឲ្យមានការភ្ញាក់ផ្អើលទំាងកណ្ដាលយប់ហេីយរថយន្តបង្កខូចខាតផ្នែកខាងមុខយ៉ាងដំណំបើកទៅមុខលែងរួច ។
ករណីគ្រោះថ្នាក់ចរាចរខាងលេីនេះ បានកេីតឡេីង កាលពីវេលាម៉ោង ១នឹង៤០នាទីរំលងអាធ្រាតឈានចូលថ្ងៃទី៣ខែកក្តដាឆ្នាំ២០១៥ តាមបណ្តោយផ្លូវសហពន្ធ័រុស្សី ទល់មុខវិមានសន្តិភាព សង្កាត់ស្រះចក ខណ្ឌដូនពេញ ។
តាមប្រភពពីកន្លែងកេីតហេតុ បានឲ្យដឹងថា បុរសដែលបើករថយន្តបង្កមិនត្រូវបានស្គាល់អត្តសញ្ញាណទេ មានអាយុប្រហែល៤០ឆ្នាំ ស្វិតជើងខាងឆ្វេងម្ខាង បើករថយន្តមួយគ្រឿងម៉ាកRAV4ស៊េរីឆ្នាំ២០០២ពណ៌ស្ករ ពាក់ស្លាកលេខ ភ្នំពេញ 2AA-4018 ។
ប្រភពដដែល បានបន្តទៀតថា មុនពេលកើតហេតុគេបានឃើញរថយន្តបង្កបើកបរយ៉ាងលឿន តាមបណ្តោយផ្លូវសហពន្ធ័រុស្សីក្នុងទឹសដៅពីកើតទៅលិច លុះបេីកមកដល់ចំណុចកើតហេតុស្រាប់តែរថយន្តបានរ៉េចង្កូតមកខាងស្តាំដៃហើយក៏បុកនិងបង្កោលភ្លើងតែម្តង ។ ក្នុងហេតុការណ៍នោះដែរអ្នកបើកបរមានសភាពស្រវឹងជោគជំោពេលដែលសមត្ថកិច្ចចុះទៅដល់ឃាត់ខ្លួននឹងសួរនាំ គឺអ្នកបើកបរមិនបានចុះពីឡានទេ ហើយនិយាយតែពាក្យដដែលៗថា គេអត់មានបុកអ្វីផង ។
ក្រោយកើតហេតុសម្ថកិច្ចបានធ្វើការវាស់វែង និងស្ទួចរថយន្តបង្កយកទៅរក្សាទុកនៅការិយាល័យចរាចរជេីងគោករាជធានីភ្នំពេញ ដើម្បីធ្វើការដោះស្រាយសងទ្រព្យសម្បត្តិរដ្ឋ ៕
