ភ្នំពេញ៖ រហូតមកដល់ម៉ោង៨និង២៧នាទីព្រឹកនេះ ថ្ងៃទី០៣ ខែធ្នូឆ្នាំ២០១៦នេះ ស្ថានការណ៍អគ្គិភ័យបានឆាបឆេះផ្ទះនិងឃ្លាំងលក់គ្រឿងបន្លាស់រថយន្ត មិនទាន់រលត់ទាំងស្រុងនៅឡេីយទេ ដោយសារផ្លូវតូចចង្អៀតពិបាកក្នុងការចូល ដែលផ្ទះ៤ល្វែងត្រូវបានឆាបឆេះយ៉ាងសន្ធោសន្ធៅអស់ទាំងស្រុងតែម្តង ខណៈក្រុមពន្លត់អគ្គិភ័យកំពុងសហការគ្នា បន្តធ្វេីអន្តរាគមន៍បាញ់ពន្លត់ រីឯអជ្ញាធរនិងសមត្ថកិច្ចពាក់ព័ន្ធកំពុងជួយសម្រួលចរាចរណ៍។

តាមសេចក្តីរាយការណ៍បានឲ្យដឹងថា ឃ្លាំងនិងផ្ទះ៤ល្វែងដែលបានឆាបឆេះនោះ ជាកន្លែងលក់គ្រឿងបន្លាស់រថយន្ត យីហោ ម៉ាក់ អាហ៊ុយ ស្ថិតនៅផ្ទះលេខ១៦A ផ្លូវ១១៨ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ដែលត្រូវអគ្គិភ័យឆាបឆេះទាំងស្រុង កាលវេលាម៉ោងជិត៥ព្រឹក។

ទោះជាយ៉ាងណាយើងមិនទាន់ដឹងនៅឡើយទេថា ទំហំនៃការខូចខាតនិងមូលហេតុអ្វីដែលបណ្ដាលឲ្យឆាបឆេះនេះ ៕