ខេត្តស្វាយរៀង ៖ បុរសម្នាក់តូចចិត្តមានអាការៈចេះតែថប់ដង្ហើមណែនដើមទ្រូងជាច្រើនឆ្នាំ មកហើយ ដោយសារជំងឺរបេះដូង ក៏ដាច់ចិត្តបញ្ចប់ជីវិតដោយផឹកថ្នាំបាញ់ស្រូវ ខណៈបញ្ជូនមកដល់មន្ទីរពេទ្យខេត្តគ្រូពេទ្យមិនអាចជួយសង្គ្រោះបាន ។
ហេតុការណ៍នេះបានកើតឡើងកាលពីវេលាម៉ោង៥និង៣០នាទីល្ងាច ថ្ងៃទី៤ ខែធ្នូ ឆ្នាំ២០១៦ ស្ថិតក្នុងភូមិកណ្តាល ឃុំខ្សែត្រ ស្រុកកំពង់រោទ៌ ខេត្តស្វាយរៀង។
នគរបាលស្រុកបានអោយដឹងថា ជនរងគ្រោះដែលផឹកថ្នាំពុលនេះមានឈ្មោះសំ សាវ៉ាត អាយុ២៧ឆ្នាំ មុខរបរកសិករ មានប្រពន្ធឈ្មោះ ចិន ភិន អាយុ២២ឆ្នាំ ទើបតែរៀបការជាមួយប្រពន្ធទីពីរ។
អ្នកភូមិបានអោយដឹងថា បុរសខាងលើនេះមានជំងឺប្រចាំកាយយូរឆ្នាំមកហើយខណៈត្រូវក្រុមគ្រួសារយកមកព្យាបាលនៅមន្ទីរពេទ្យ ដោយគ្រូពេទ្យអោយថ្នាំលេបជាប្រចាំ មិនតែប៉ុណ្ណោះគ្រួសារនេះជំពាក់បំណុល អ្នកភូមិផងដែរ ។
ប្រភពបន្តថាមុនពេលកើតហេតុស្រាប់តែអ្នកភូមិឮសូរសំឡេងក្អូត និងស្រែកហៅជួយផង ទើបបង្កអោយមានការភ្ញាក់ផ្អើលនាំគ្នាជួយសងគ្រោះដឹកមកកាន់មន្ទីរពេទ្យ ប៉ុន្តែអកុសស យឺតពេលទៅហើយ ។
សូមបញ្ជាក់ថាជនរងគ្រោះផឹកថ្នាំពុលប្រភេទបាញ់ថ្នាំស្រូវអស់មួយដបធំសពត្រូវបានក្រុម គ្រួសារយកធ្វើបុណ្យតាមប្រពៃណី ៕ ដោយ ៖ យឹម សុថាន
