ភ្នំពេញ៖ ដោយចិត្ដស្រលាញ់ និង មានឈាមជ័រជាអ្នកសិល្បៈបានជំរុញឱ្យយុវជន ហេង ពិសិដ្ឋ បានសម្រេចចិត្ដ ចូលប្រឡូកក្នុងការងារជាអ្នកសិល្បៈដែល ពោពេញដោយការប្រកួតប្រជែង។ តារា សម្ដែងនិងចម្រៀងរូបនេះបានដាក់គោល ដៅជាក់លាក់មួយសម្រាប់ជីវិតគឺចង់ ទទួលបានជោគជ័យព្រមគ្នាទាំងការងារសិល្បៈ និងមុខជំនួញផ្ទាល់ខ្លួន ។
ក្រោយដកខ្លួនពីបេក្ខភាពប្រឡូង Freshie Girl &Boy កាលពីអំឡុង ឆ្នាំ២០០៩ ហេង ពិសិដ្ឋ នៅតែបន្ដការងារ សិល្បៈមួយចំនួនទាំងការថតបទចម្រៀង ឈុតផ្សព្វផ្សាយពាណិជ្ជកម្មតាមរយៈការជួយជំរុញណែនាំពីអ្នកផលិតកម្មវិធី និងពិធីករលោក ភោ សុផានិត។ ប៉ុន្ដែ លោកបានដកខ្លួនក្នុងរយៈពេលវែងដើម្បីបន្ដការសិក្សាថ្នាក់បរិញ្ញាបត្រលើជំនាញ គ្រប់គ្រងពាណិជ្ជកម្មអន្ដរជាតិនៅប្រទេស ម៉ាឡេស៊ី។ ក្រោយបញ្ចប់ការសិក្សា សិល្បករវ័យ២៦ឆ្នាំរូបនេះបានចាប់ផ្ដើម ប្រឡូកនឹងការងារសិល្បៈជាថ្មីស្របពេលដែលលោកទទួលបានតំណែងជាអ្នកគ្រប់គ្រងនៅក្រុមហ៊ុនជួញដូរមាសធំមួយនៅកម្ពុជា។ លោកបញ្ជាក់ថា “អាចជា រឿងនិស្ស័យស្រលាញ់និងមានឈាមជ័រ ជាអ្នកសិល្បៈដែលលោកយាយធ្លាប់ជា ម្ចាស់ផលិតកម្មបន្ទាយស្រីទើបខ្ញុំមិន ទៅណាឆ្ងាយ”។
តារាសម្ដែងរូបនេះបន្ដ ថា តាមពិតលោកធ្លាប់ចូលរួមសម្ដែង ខ្សែភាពយន្ដតាំងពីកុមារភាពម្ល៉េះគឺក្នុងអំឡុងទស្សវត្សរ៍ទី៩០ដោយលោកចូល រួមសម្ដែងជាតួអង្គកូនប្រុសរបស់តារាសម្ដែងល្បីឈ្មោះអ្នកនាង អម្ពរ ទេវី និង អ្នកនាងកែវ កល្យាល ជាដើម ។ ទោះបី ជាមិនមានសមិទផលជាដុំកំភួនលេច ធ្លោរក្នុងការងារសិល្បៈក្ដីក៏លោកបញ្ជាក់ថាជាមោទនភាពដែលបានបំពេញក្ដី បំណងជាអ្នកសិល្បៈដែលបច្ចុប្បន្នលោក បានបង្ហាញមុខតាមរយៈការសម្ដែងបទចម្រៀងមួយចំនួនសម្រាប់ផលិតកម្ម ល្បីៗក្នុងស្រុកការថតឈុតផ្សព្វផ្សាយ ពាណិជ្ជកម្មនិងសម្អាងការជាដើមហើយថ្មីៗនេះលោកក៏មានឱកាសឡើងច្រៀង ជាបន្ដបន្ទាប់នៅកម្មវិធីប្រគុំតន្ដ្រីចុង សបា្ដហ៍របស់ស្ថានីយទូរទស្សន៍មួយចំនួន ផងដែរ។ ប៉ុន្ដែសម្រាប់ការថតខ្សែភាព យន្ដលោកកំពុងស្ថិតក្នុងការពិចារណា នៅឡើយខណៈដែលមានផលិតកម្មមួយបានទាក់ទងលោកឱ្យយចូលរួមសម្ដែង ។
លោកថា ការពិចារណានេះព្រោះតែ លោកមិនមានពេលគ្រប់គ្រាន់ក្នុងការ ថតព្រោះតែត្រូវចំណាយពេលបំពេញ តួនាទីជាអ្នកគ្រប់គ្រងហាងលក់ការ៉េម To To ដែលមាន៤សាខានៅភ្នំពេញ។ ក្រៅពីនេះលោកក៏មានជំនួញផ្ទាល់ខ្លួន ២ផ្សេងទៀតដែលត្រូវមើលការខុសត្រូវជាប្រចាំផងដែរ។
ហេង ពិសិដ្ឋ បញ្ជាក់បន្ថែមថា ទាំង ការងារសិល្បៈនិងមុខជំនួញសុទ្ធតែមិន អាចខ្វះមួយណាបានឡើយព្រោះលោក ចង់ទទួលបានជោគជ័យទាំងពីរព្រមគ្នា។ ក្រៅពីគម្រោងពង្រីកមុខជំនួញឱ្យកាន់ តែធំនិងដំណើរការល្អជាងមុនលោកក៏ មានបំណងក្លាយជាអ្នកផលិតកម្មវិធីទូរទស្សន៍ម្នាក់ផងដែរ ហើយពេលនេះ លោកបាននឹងកំពុងរៀបចំផែនការទាំងឡាយដោយល្អិតល្អន់ដើម្បីប្រាកដថានឹងអាចជំរុញក្ដីសុបិន្ដរបស់លោកឱ្យកាន់ តែខិតជិតកៀកខ្លួន។ តាមរយៈផែកការ ច្បាស់លាស់ការពិគ្រោះយោបល់ពីអ្នក ជំនាញផ្នែកសិល្បៈនិងការដាក់ចិត្ដធ្វើ ការងារទាំងនេះលោករំពឹងថាវាងនឹងទទួល ជោគជ័យនៅពេលខាងមុខ ៕
ដោយ៖ វឌ្ឍនា
