សហព័ន្ធបាល់ទាត់របស់ប្រទេសអង់គ្លេស (FA) បានបញ្ជាក់ថាខ្សែប្រយុទ្ធ សញ្ជាតិអាហ្សង់ទីន Sergio Aguero របស់ ក្លិប Manchcester City នឹងត្រូវពិន័យមិនឲ្យចូលលេងចំនួន៤ប្រកួតនៅក្របខ័ណ្ឌ អង់គ្លេស Premier league ។

កីឡាករ Sergio Aguero បានទទួលកាតក្រហមក្រោយប៉ះជាមួយកីឡាករDavid Luiz ក្នុងពេលក្រុម Manchcester City ប្រកួតចាញ់តោខៀវ Chelsea ដោយលទ្ធ ផល 3-1 កាលពីថ្ងៃសៅរ៍សប្តាហ៍មុន។ FA បានបញ្ជាក់ថា កីឡាករ Sergio Aguero នឹង មិនអាចចូលលេងបានទេពេលក្រុម Manchcester City ប្រកួតជាមួយនឹងក្រុម Leicester City, Watford, Arsenal និង Hull City ។

នេះគឺជាលើកទី២ហើយដែលកីឡាករAgueroត្រូវរងពិន័យពីបទប្រើហិង្សាក្នុងការប្រកួតសម្រាប់រដូវកាលនេះ។ ចំណែកមិត្តរួមក្រុមFernandinhoក៏ទទួលការពិន័យមិនឲ្យលេង៣ប្រកួតផងដែរ ដោយរូបគេបានទទួលកាតក្រហមបន្ទាប់ពីរុញកីឡាករ Cesc Fabregas របស់ក្លិបតោខៀវ ៕

ដោយ៖ ដេវីត