ភ្នំពេញៈ បុរសម្នាក់ដែលគេស្គាល់ថាជាអ្នកឈរ ជើងសម្រួលចរាចរណ៍នៅចំណុចម្តុំលូប្រាំ ហើយ គេវាយបណ្តាលឲ្យរបួសបែក្បាលនៅពេលជួបជុំគ្នាផឹកសុី។ ហេតុការណ៍នេះបានកើតឡើងនៅវេលាម៉ោង៧និង៣០នាទី យប់ថ្ងៃទី០៦ ខែធ្នូ ឆ្នាំ ២០១៦ នៅចំណុចលើចិញ្ចើមផ្លូវវ៉េងស្រេង ភូមិ ដំណាក់ធំ៥ សង្កាត់ស្ទឹងមានជ័យ ខណ្ឌមានជ័យ។ ប្រភពពីកន្លែងកើតហេតុបាន ឲ្យដឹងថា នៅមុនពេលកើតហេតុគេឃើញជនរង គ្រោះ និងជនដៃដល់អង្គុយផឹកជាមួយគ្នា។ ព្រោះ ពួកគេជាក្រុមប្រជាការពារដូចគ្នាហើយនៅសង្កាត់ ជាមួយគ្នាទៀត។ ក្រោយមកក៏មានឮទាស់សំដីគ្នាខ្លាំងៗ ជនដៃដល់ក៏ទាញអាយកូមវាយជនរងគ្រោះបែក ក្បាលតែម្តងរួចរត់បាត់។ ប្រភពបន្តថា ក្រោយមក ក៏មានលោកអនុភូមិដំណាក់ចេញមកផ្សះផ្សារខណៈដែលកងកម្លាំងក៏នៅកន្លែងកើតហេតុដែរ។ លោកអនុភូមិនិយាយទៅកាន់ជនរងគ្រោះមិនស្តាប់ក៏ទះកំភ្លៀងថែម១ដៃទៀត។
សមត្ថកិច្ចបានឲ្យដឹងថា ជនរងគ្រោះមានឈ្មោះ អុឹល ឈន ភេទប្រុសអាយុ៣៦ឆ្នាំ ស្នាក់នៅផ្ទះជួលនៅលូប្រាំភូមិដំណាក់ធំ៥សង្កាត់ស្ទឹងមានជ័យ។មុនពេលកើតហេតុរូបគេបានឈ្លោះប្រ្រកែកគ្នាជាមួយឈ្មោះប៉ែន សុវណ្ណឌី ដែលជាកម្លាំងប្រជាការពារប្រចាំលូប្រាំសង្កាត់ដូចគ្នា ស្រាប់តែឈ្មោះប៉ែន សុវណ្ណឌី បានវាយទៅលើជនរងគ្រោះឈ្មោះ អុឹល ឈន មួយអាយកូបធ្វើអោយបែកក្បាលហូរឈាម។ ក្រោយមកគេក៏បានរាយការណ៍សមត្ថកិច្ចជួយ អន្តរាគមន៍។នៅពេលសមត្ថកិច្ចទៅដល់ជនដៃដល់បានគេចខ្លួនបាត់នៅសល់តែម៉ូតូ។
នៅពេលសមត្ថកិច្ចកំពុងតែសួរនាំ ស្រាប់តែ លេចមុខលោកផាន់វ៉នហៅ(ពៅ)ដែលជាអនុភូមិដំណាក់ធំ៥ បានទៅវាយជនរងគ្រោះបន្តែមមួយដៃចំមុខទៅលើជនរងគ្រោះទៀត។
បច្ចុប្បន្នសមត្ថកិច្ចនគបាលប៉ុស្តិ៍ក៏បានកោះហៅ អនុភូមិដំណាក់ធំ៥ និងជនដៃដល់ មកធ្វើការដោះស្រាយក្នុងគោលបំណងបញ្ចប់វិវាទទំនាស់ ព្រោះថាសុទ្ធតែគ្នាឯង។ ទោះបីជាយ៉ាង នេះក្តី សមត្ថកិច្ចយុតិ្តធម៌ត្រូវតែមានវិធានការលើ លោកអនុភូមិតាមច្បាប់ ព្រោះថាមិនអាចប្រើអំ ណាចជាអនុភូមិវាយគេឯង នៅចំពោះមុខសមត្ថកិច្ចចឹងទេ។ លោកអនុភូមិមានចេតនាមើលស្រាលលើសមត្ថកិច្ចយុតិ្តធម៌ទើបធ្វើដូច្នេះ៕ ដោយ ៖ តាឡឹម
