ភ្នំពេញ ៖ នៅវេលាម៉ោង ៨.៤០ នាទីយប់ថ្ងៃទី ២៦ ខែធ្នូ ឆ្នាំ២០១៦ មានក្រុមចោរប្លន់ប្រដាប់អាវុធដែលមានគ្នាប្រហែល៦-៧នាក់ បានចូលបាញ់ប្លន់ដល់ក្នុងផ្ទះប្រជាជន ហើយផ្ទុះអាវុធចំនួន៥បណ្តាលអោយជនរងគ្រោះត្រូវគ្រាប់កាំភ្លើង២គ្រាប់ ។ ករណីនេះកើតនៅក្នុងសង្កាត់ស្នោរ ខណ្ឌពោធិសែនជ័យ ។
ក្រោយករណីមានចោរចូលប្លន់ផ្ទះប្រជាពលរដ្ឋរួច លោកយឹម សារ៉ាន់ អធិការនគរបាលខណ្ឌពោធិ៍សែនជ័យបញ្ជាមន្ត្រីក្រោមឱវាទ ចុះពួនស្អាក់គ្រប់ច្រកល្ហក ទើបឈានដល់ឃាត់យុវជនម្នាក់ដែលស្ថិតក្នុងការសង្ស័យ ខណះសមត្ថកិច្ចកំពុងតែតាមប្របាញ់ក្រុមចោរប្លន់ក៏ជួបយុវជនខាងលើហើយហៅសួរ តែយុវជនរូបនេះព្យាយាមជិះគេចពីសមត្ថកិច្ចទើបកម្លាំងនគរបាលដេញចាប់តែម្តង ។
សមត្ថកិច្ចកំពុងដុតដៃដុតជើងតាមប្រម៉ាញ់ក្រុមចោរទាំងនោះហើយ តែយើងមិនទាន់ដឹងថាមានជនរងគ្រោះប៉ុន្មាននាក់ ហើយក្រុមចោរប្លន់យកបានអ្វីខ្លះទេ ។ ហើយមកដល់ពេលនេះចាប់បានជនសង្ស័យម្នាក់ហើយករណីប្លន់មិញនៅខណ្ឌពោធិសែនជ័យម៉ោង៩និង២០នាទីយប់ថ្ងៃនេះ និងកំពុងឡោមព័ទ្ធក្រុមប្លន់ប្រដាប់អាវុធនៅភូមិព្រៃក្រាយ ជាប់ព្រំទល់ សង្កាត់កំបូល ៕
