ខេត្តកណ្តាល ៖  កម្លាំងផ្នែកប្រឆាំងបទល្មើសគ្រឿងញៀនស្រុកស្អាង សហការជាមួយកម្លាំងប៉ុស្តិ៍នគរបាលរដ្ឋបាលត្រើយស្លា បានធ្វើ ការចុះល្បាតតាមភូមិសាស្រ្ត ឃាត់ជនសង្ស័យ៣នាក់ និងតូ២គ្រឿង រួមនិងថ្នាំញៀន២កញ្ចប់តូច នៅចំណុចកំពង់ចម្លងក្បាលកោះ ដើម្បីកសាងសំណុំរឿងបញ្ជូនបន្តមកកាន់អធិការស្រុងស្អាង  ។

ករណីឃាត់ខ្លួនជនសង្ស័យទាំង៣នាក់ខាងលើនេះ ធ្វើឡើងនៅចំណុចកំពង់ចម្លងក្បាលកោះ ស្ថិតក្នុងភូមិពោធិ៍ក្រោម ឃុំត្រើយស្លា ស្រុកស្អាង ខេត្តកណ្ដាល កាលពីថ្ងៃទី ២៦ ខែធ្នូ ឆ្នាំ២០១៦ វេលាម៉ោង១៤និង១០នាទី ។

សមត្ថកិច្ចនគរបាលស្រុកស្អាងបានឲ្យដឹងថា ជនសង្ស័យទាំង៣នាក់ ១-ឈ្មោះ រ៉ាង សំណាង ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិស្វាយតានី ឃុំព្រែកគយ ស្រុកស្អាង ខេត្តកណ្តាល  , ២-ឈ្មោះ រស់ វិចិត្រ ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិព្រែកថ្មី ឃុំទឹកវិល ស្រុកស្អាង ខេត្តកណ្តាល , ៣-ឈ្មោះ លាភ ភារ៉ា ភេទប្រុស អាយុ ២៣ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល ។ វត្ថុតាងដកហូតបានមាន ៖ ម្ស៉ៅក្រាមពណ៌សថ្លា សង្ស័យថាជាសារធាតុញៀន (ម៉ាទឹកកក)ចំនួន២កញ្ចប់តូច ទូរស៍័ព្ទចំនួន១គ្រឿង ម៉ាក true ពណ៌ខ្មៅ , ម៉ូតូ២គ្រឿង ១- ម៉ាក ហុងដា សេ១២៥ សេរីឆ្នាំ ២០០៦ ពណ៌ខ្មៅ ផ្លាកលេខ ភំ្នពេញ 1K-1088 និងមួយគ្រឿងទៀត ម៉ាក Sroopy  ស៊េរីឆ្នាំ២០១៥ ពណ៌ស ផ្លាកលេខ ភំ្នពេញ 1FH-0779  ។

នៅចំពោះមុខសមត្ថកិច្ច ឈ្មោះ រ៉ាង សំណាង បានសារភាពថា ខ្លួនបានចូលលុយគ្នាចំនួន៤នាក់ ពីឈ្មោះ លាភ ភារ៉ា ឈ្មោះ អាង និង ឈ្មោះ រស់ វិចិត្រ បានលុយចំនួន៥០.០០០រៀល ក៌ទៅទិញថ្នាំញៀនចំនួន២កញ្ចប់តូច ក្នុងមួយកញ្ចប់តំលៃ២៥០០០រៀល ពីមនុស្សប្រុសម្នាក់ មិនស្គាល់ឈ្មោះ នៅភូមិពោធិ៍កណ្តាល ឃុំត្រើយស្លា ស្រុកស្អាង ខេត្តកណ្តាល ។

បច្ចុប្បន្នជនសង្ស័យទាំង៣នាក់ រួមនិងវត្ថុតាង ត្រូវបញ្ជូនមកកាន់អធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការបន្តតាមនីតិវិធី និងស្រាវជ្រាវតាមចាប់មុខសញ្ញានេះបន្តទៀត ៕ ស្អាងជ័យ