ភ្នំពេញ៖ នគរបាលខណ្ខដង្កោបានឃាត់ខ្លួនជនសង្ស័យ៣នាក់ជាបន្តបន្ទាប់គ្នា ករណីប្រើប្រាស់នូវសារធាតុញៀនដោយខុសច្បាប់ ។

ក្នុងប្រតិបត្តិការខាងលើបានធ្វើឡើងកាលពីវេលាម៉ោង១២និង២០នាទីថ្ងៃត្រង់ទី២៦ ខែធ្នូ ឆ្នាំ ២០១៦ ស្ថិតនៅចំណុចក្នុងបុរីសន្តិភាព២ ភូមិដំណាក់ត្រយឹង សង្កាត់ពងទឹក ខណ្ខដង្កោ។

សមត្ថកិច្ចនគរបាលខណ្ឌដង្កោបានឲ្យដឹងថា ដោយកម្លាំងបានជិះម៉ូតូល្បាតដល់ចំណុចបុរីសន្តិភាព២បានជួបនិងជនសង្ស័យម្នាក់ឈ្មោះ អ៊ូរ សុខា ភេទ ប្រុស អាយុ២៥ឆ្នាំ បានឃាត់សួរនាំនិងឆែកឆេរបានរកឃើញក្រាមសថ្លាចំនួន២កញ្ចប់តូចនៅក្នុងខោបៅខាងស្តាំរួចសមត្ថកិច្ចយើងក៏បានឃាត់ខ្លួនរួមនិងវត្ថុតាងយកមកធ្វើការសួរនាំហើយជនសង្ស័យបានសារភាពប្រាប់ពីកន្លែងដែលបក្ខពួកដែលជាមុខសញ្ញាប្រើប្រាស់គ្រឿងញៀនដែលកំពុងតែស្នាក់នៅក្នុងបុរីសន្តិភាព២។ រួចនៅថ្ងៃខែដដែលនៅម៉ោង៤រសៀលសមត្ថកិច្ចបាននាំជនសង្ស័យឈ្មោះ អូរ សុខា ទៅបង្ហាញបន្ទប់បក្ខពួកកំពុងស្នាក់នៅហើយបានឃាត់ខ្លួនបាននៅជនសង្សយ័២នាក់ទៀតយកមកសាកសួរនៅអធិកាដ្ឋាននគរបាលខណ្ខដង្កោ។

សម្ថកិច្ចបានឲ្យដឹងថា ជនសង្ស័យដែលឃាត់បានបន្តបន្ទាប់នោះមានឈ្មោះ សេង ជីវ៉ា ភេទប្រុស អាយុ២៣ឆ្នាំ មុខរបរមិនពិតប្រាកដស្នាក់នៅកន្លែងកើតហេតុខាងលើ និងម្នាក់ទៀតឈ្មោះ ពុធ សុកាក់ ភេទប្រុស អាយុ២០ឆ្នាំ មុខរបរមិនពិតប្រាកដស្នាក់នៅម្តុំផ្សារឌុយមិច ខណ្ខ៧មករា ហើយបានឆែកឆេរនៅក្នុងបន្ទប់រកឃើញមានវត្ថុតាងរួមមានបំពង់ទីប១ ដាវសាមូរ៉ៃ១ កាំភ្លើងខ្លីជ័រ១ដើម និងសម្ភារសម្រាប់ប្រើប្រាស់គ្រឿងញៀនមួយចំនួន។

ក្រោយពីបានសាកសួររួចជនសង្ស័យទាំង៣នាក់ ត្រូវបានក៏សាងសំណុំរឿងបញ្ជូនទៅតុលាកាចាត់កាតាមនីតិវិធីច្បាប់៕

ដោយ៖ ភារ៉ា ដង្កោ