ខេត្តត្បូងឃ្មំុ៖ ជនសង្ស័យម្នាក់ត្រូវបានឃាត់ខ្លួនខណះរូបគេបើកម៉ូតូមកចំកន្លែងគោលដៅត្រួតពិនិត្យរបស់សម្មត្ថកិច្ចនគរបាលស្រុកត្បូងឃ្មំុហើយឆែកឆេលើខ្លួនគេមានលាក់ទុកនូវសារធាតុញៀន ៣ កញ្ចប់។

ករណីនេះនេះធ្វើរឡើងនៅវេលាម៉ោង ៩ៈ១៥នាទី យប់ថ្ងៃទី២៧ ខែធ្នូ ឆ្នាំ២០១៦ ត្រង់ចំណុចលើផ្លូវជាតិលេខ ៧ ក្នុងភូមិទួលវិហារ ឃុំជីរោទី២ ស្រុក_ខេត្តត្បូងឃ្មំុ។

សម្មត្ថកិច្ចនគរបាលបានឲ្យដឹងថា ជនសង្ស័យ ឈ្មោះ នាង ងន់ហេង ភេទប្រុសអាយុ ២០ ឆ្នាំ នៅភូមិទួលទ្រាជើង ឃុំជប់ ស្រុកត្បូងឃ្មុំ ។
ករណីនេះសម្មត្ថកិច្ចដកហូតបាន ម្សៅក្រាមពណ៍ស សង្ស័យថ្នាំញៀន ចំនួន ៣កញ្ចប់ (តូច ២ កញ្ចប់ ធំ ១កញ្ចប់) ឧបករណ៍ប្រើប្រាស់ និងវិចខ្ចប់ មួយចំនួនតូច ទូរស័ព្ទដៃ ម៉ាកណូគាចាស់ ១គ្រឿង ម៉ូតូម៉ាកហុងដា ZOOMER ចំនួន ១ គ្រឿង ។

ដោយឡែកបក្សពួក ជនសង្ស័យម្នាក់ ឈ្មោះ ណាក់ ភេទប្រុស អាយុ ២២ ឆ្នាំ មិនទាន់ស្គាល់សាវតាជាតិ បានរត់គេចខ្លួនក្នុងខណៈពេល សមត្ថកិច្ចហៅឈប់ពិនិត្យ ។
បច្ចុប្បន្នជនសង្ស័យនិងវត្ថុតាងសម្មត្ថកិច្ចជំនាញនគរបាលស្រុកកំពុងសាកសួរបន្តនិតិវិធី៕  វណ្ណះ