បរិយាកាសក្រខ្វក់បណ្តាលមកពីដុតធ្យូងថ្មជាមូលហេតុធំក្នុងការបំពុលបរិយាកាសហើយសម្លាប់មនុស្សដល់ទៅ៤ពាន់នាក់ក្នុងថ្ងៃៗនៅប្រទេសចិន។ ពលរដ្ឋជាច្រើនត្រូវស្រូបយកផ្សេងពុលដែលមានធូលីតូចបំផុតPM2.5ពីបរិយាកាសក្រខ្វក់។ ទាំងនោះជាលទ្ធផលស្រាវជ្រាវឯករាជ្យរបស់មជ្ឈមណ្ឌុលBerkeley Earth ដែលទទួលបានការឧបត្ថម្ភហិរញ្ញាវត្ថុពីក្រសួងថាមពលអាមេរិក បានប្រកាសកាលពីថ្ងៃទី១៣ខែសីហា ។
ការប្រកាសរបស់Berkeley Earth បានបញ្ចាក់យ៉ាងច្បាស់ថាកម្ទេចធូលីPM2.5 ធ្វើឲ្យចំនួនអ្នកមានជម្ងឺបេះដូចកើនឡើងខ្ពស់ ជម្ងឺមហារីកសួត…សម្លាប់មនុស្សដល់ទៅ១,៦លាននាក់ក្នុងមួយឆ្នាំៗស្មើរ១៧ភាគរយចំនួនអ្នកស្លាប់ដោយជម្ងឺផ្សេងៗក្នុងប្រទេសចិន ។
សារព័ត៌មានBusiness Indider បានដកស្រង់សម្តីអគ្គនាយកមជ្ឈមណ្ឌុលBerkeley Earth លោកRichard Muller បានឲ្យដឹងថា« ពេលកន្លងមកថ្មីៗដែលខ្ញុំឈានជើងចូលដល់ទីក្រុងប៉េកាំង ស្ថានភាពបរិយាកាសស្ថិតក្នុងតំណាក់កាលគ្រោះថ្នាក់បំផុត ។ ក្នុងមួយម៉ោងៗនៅប្រទេសចិនបានស្រូបយកជាតិពុលនៅក្នុងបរិយាកាសធ្វើឲ្យអាយុរបស់ខ្ញុំថយចុះ២០នាទី ប្រហាក់ប្រហែល នឹងការជក់បារី១,៥ដើមក្នុងមួយម៉ោង ។
រដ្ឋាភិបាលចិនបានទទួលស្គាល់ថាស្ថានភាពបំពុលបរិយាកាស ពិតជាស្ថិតនៅក្នុងតំណាក់កាលធ្ងន់បំផុត ហើយផ្សែងអ័ព្វពុលតែងតែគ្របដណ្តប់ទីក្រុងប៉េកាំងនិងសៀងហៃជាញឺកញាប់រយៈពេលកន្លងមក ។ ដើម្បីទប់ស្កាត់ការបំពុលបរិយាកាសកាន់តែខ្លាំងឡើងរដ្ឋាភិបាលបានសម្រេចបិទរោងចក្ររមួយចំនួនប្រើប្រាស់ធ្យូងថ្មនៅជិតទីក្រុង ក៏ដូចជាដាក់ឧបករណ៍ត្រួតពិនិត្យជាតិពុលបរិយាកាស ។
លោកMuller និងអ្នកស្រាវជ្រាវ Robert Rohde បានវិភាគលើទិន្នន័យ ជារៀងរាល់ម៉ោង នៅលើប្រព័ន្ធត្រួតពិនិត្យដែលបានដាក់នៅ១៥០០កន្លែងក្នុងទីក្រុងធំៗនៅប្រទេសចិន។ ក្រោយមកក៏បានប្រើប្រាស់រូបមន្តរបស់អង្គការសុខភាពពិភពលោក គិតពីចំនួនអ្នកស្លាប់ក្នុងមួយឆ្នាំៗដោយសារតែពុលបរិយាកាស។លទ្ធផលស្រាវជ្រាវបានឲ្យឃើញថា៩២ភាគរយពលរដ្ឋចិនបានស្រូបជាតិពុលនៅក្នុងបរិយាកាសយ៉ាងតិច ១២០ម៉ោង ចាប់តាំងពីខែមេសាឆ្នាំ២០១៤ដល់ខែសីហាឆ្នាំ២០១៥។តាមលទ្ធផលស្រាវជ្រាវបង្ហាញឲ្យឃើញថាចិនបានប្រើប្រាស់រហូតដល់ទោ៦៤ភាគរយថាមពល ដែលបង្កើតចេញពីធ្យូងថ្មដែលជាចំណុចធ្វើឲ្យបរិយាកាសពុលកាន់តែខ្លាំងឡើង ៕
ប្រែសម្រួល៖ យ៉ាត
