ភ្នំពេញ៖ កាលពីម្សិលមិញ បន្ទាប់ពីអញ្ជើញមកដល់ព្រះរាជាណាចក្រកម្ពុជាហើយ នៅម៉ោងប្រមាណ ៥:១៥នាទីល្ងាច លោក Tony Tan Keng Yam ប្រធានាធិបតីនៃសាធា រណរដ្ឋសឹង្ហបុរី បានដឹកនាំគណៈប្រតិភូអញ្ជើញចូលគោរពវិញ្ញាណក្ខ័ន្ធនៅវិមានឯករាជ្យ ដែលទទួលបដិសណ្ឋារកិច្ចដោយ នាយឧត្តមសេនីយ៍ ចាយ សាំងយុន រដ្ឋលេខាធិការក្រសួងការពារជាតិ។

នៅព្រឹកថ្ងៃទី០៩ ខែមករា ឆ្នាំ២០១៧ ម៉ោង១០:៣០នាទីព្រឹក លោកប្រធានាធិបតីសឹង្ហបុរី នឹងអញ្ជើញចូលគាល់ ព្រះករុណាព្រះបាទសម្តេចព្រះ នរោត្តម សីហមុនី និងព្រះមហាក្សត្រីជាទីគោរពសក្ការៈ នរោត្តម មុនិនាថ សីហនុ នៅព្រះបរមរាជវាំង។ ហើយនៅរសៀលថ្ងៃដដែលនេះ លោកប្រធានាធិបតីក៏នឹងអញ្ជើញជួបពិភាក្សាការងារជាមួយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណា ចក្រកម្ពុជា នៅវិមានសន្តិភាពផងដែរ៕

ដោយ៖ សុខ ខេមរា