ភ្នំពេញ៖ បុរសម្នាក់បើករថយន្ត VIGO បើកចេញពីខារ៉ាអូខេ គីរីរម្យ ជាន់ហ្វ្រាំងច្រឡំហ្គែរ ហោះបុករបាំងថ្មចែកទ្រូងផ្លូវបាក់អស់៥កង់ សំណាងល្អមិនបណ្តាលឲ្យមានគ្រោះថ្នាក់ដល់អ្នកដំណើរ។

ហេតុការណ៍នេះបានកើតឡើងកាលពីម៉ោងជាង១រសៀលថ្ងៃទី១៤ ខែមករា ឆ្នាំ២០១៧ នៅតាមផ្លូវព្រះសីហនុ ស្ថិតនៅក្នុងសង្កាត់បឹងកេងកង២ ខណ្ឌចំការមន រាជធានីភ្នំពេញ។

ប្រភព័ត៌មាននៅកន្លែងកើតហេតុបានឲ្យដឹងថា ដំបូងឡើយគេសង្គេតឃើញរថយន្តមួយគ្រឿងម៉ាក តូយ៉ូតាVIGO ពណ៌ស្ករ ពាក់ស្លាកលេខភ្នំពេញ 2X-7275 បើកបរដោយបុរសម្នាក់ដែលគេស្គាល់ថាជាម្ចាស់ខារ៉ាអូខេគីរីរម្យ បានបើករថយន្តចេញពីខារ៉ាអូខេ គីរីរម្យ ដោយបានជាន់ហ្វ្រាំងច្រឡំហ្គែរ ស្រាប់តែរថយន្តហោះទៅបុកទ្រូងចែកផ្លូវបាក់អស់៥កង់ សំណាងល្អមិនបណ្តាលឲ្យមានគ្រោះថ្នាក់ដល់អ្នកដំណើរ។

ក្រោយកើតហេតុសមត្ថកិច្ចជំនាញបានរថយន្តបង្កទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយជាក្រោយ និងបានហៅរថយន្តស្ទូយទ្រូងផ្លូវដាក់ចូលកន្លែងដើមវិញរថយន្តបង្កត្រូវរងការខូចខាតផ្នែកខាងមុខយ៉ាងដំណំ។ ចំណែកម្ចាស់រថយន្តបង្កបែរជាដើរចូលខារ៉ាអូខេគីរីរម្យ ដូចជាមិនដឹងរឿងចឹង៕ ស រស្មី