ខេត្តរតនគិរី៖ បុរសវ័យចំណាស់ម្នាក់ទៅផ្តួលរំលំដើមឈើនៅចំការរបស់ខ្លួនមិនបានប្រុងប្រយ័ត្នត្រូវដើមឈើដួលវាយចំក្បាលស្លាប់ចោលប្រពន្ធកូនយ៉ាងអាណោចអាធ័ម។

ហេតុការណ៍នេះបានកើតឡើងកាលពីវេលាម៉ោង៨និង៥នាទីព្រឹកថ្ងៃទី១៤ ខែមករា ឆ្នាំ២០១៧ នៅត្រង់ចំណុចស្រែទាហ៊ាន ស្ថិតក្នុងភូមិ២ ឃុំត្រពាំងច្រេស ស្រុកកូនមុំ ខេត្តរតនគិរី ។

យោងតាមរបាយការណ៍ពីនគរបាលស្រកកូនមុំបានឲ្យដឹងថា ជនរងគ្រោះឈ្មោះសុខ ម៉េត ភេទប្រុស អាយុ៤២ ឆ្នាំជនជាតិខ្មែរ មានទីលំភូមិឃុំកើតហេតុខាងលើ។

ក្រោយពីកើតហេតុសមត្ថកិច្ចមូលដ្ឋានបានចុះទៅដល់កន្លែងកើតហេតុត្រួតពិនិត្យឃើញថា ដើមឈើដួលរំលំវាយចំក្បាលស្លាប់ខ្លួនឯងពិតប្រាកដមែន។

បច្ចុប្បន្នសមត្ថកិច្ចនគរបាលប៉ុស្តិ៍បានប្រគល់សពទៅឲ្យក្រុមគ្រួសារយកទៅធ្វើតាមប្រពៃណី ៕ វុទ្ធឦសាន