ភ្នំពេញ៖ ជនសង្ស័យ៥នាក់ក្នុងនោះស្រីម្នាក់កំពុងប្រើប្រាស់សារធាតុញៀនខុសច្បាប់ត្រូវបានកម្លាំងព្រហ្មទណ្ឌខណ្ឌ៧មករាសហការជាមួយនគរបាលប៉ុស្តិ៍វាលវង់ធ្វើការឃាត់ខ្លួន កាលពីវេលាម៉ោង១០និង៣០នាទីព្រឹកថ្ងៃទី២០ ខែមករា ឆ្នាំ២០១៧ នៅចំណុចអគារបុរីកីឡាទី៧ ជាន់ទី៥ ផ្ទះលេខ១៦៤ ស្ថិតនៅតាមបណ្ដោយផ្លូវលេខ២១១ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។

តាមប្រភពព័ត៌មានពីសមត្ថកិច្ចបានឱ្យដឹងថា មុនពេលកើតហេតុគេឃើញជនសង្ស័យខាងលើកំពុងប្រើប្រាស់សារធាតុញៀនខុសច្បាប់ត្រូវបានកម្លាំងព្រហ្មទណ្ឌខណ្ឌ៧មករាសហការជាមួយនគរបាលប៉ុស្តិ៍វាលវង់ចុះរដ្ឋបាលនៅអគារខាងលើរួចធ្វើការឃាត់ខ្លួន ក៏នាំយកមកស្នាក់ការប៉ុស្តិ៍តែម្តង។ វត្ថុតាងដកហូត ដែកកេះ២ ទុយោជក់ថ្នាំ១ ដបសំរាប់ជក់ថ្នាំ១ ទុយយោ៣ កាំបិត១ និងដាវ១ ។

បច្ចុប្បន្នជនសង្ស័យរួមនឹងវត្ថុតាងត្រូវបានកម្លាំងនគរបាលវាលវង់បញ្ជូនទៅឃុំខ្លួនបណ្ដោះអាសន្ននៅអធិការដ្ឋាននគរបាល៧មករាដើម្បីចាត់ការតាមនីតិវិធី៕ ស រស្មី