ភ្នំពេញ៖ នាព្រឹកថ្ងៃទី២៦ ខែមករា ឆ្នាំ២០១៧ អធិការដ្ឋានខណ្ឌសែនសុខមានរៀងចំពីធីសន្និបាតបូកសរុបលទ្ធផលអនុវត្តការងារឆ្នាំ២០១៦ និងទិសដៅការងារឆ្នាំ២០១៧ ក្រោមអធិបតីភាពឧត្តមសេនីយ៍ត្រី មិន សុផេត ស្នងការរងនគរបាលរាធានីភ្នំពេញ និងចូលរួមដោយលោក ហោ វាសនា អភិបាលខណ្ឌ លោកវរសេនីយ៍ឯក ម៉ក់ ហុង អធិការនគរបាលខណ្ឌ សែនសុខ អធិការរង ព្រមទាំងនាយនគរបាលប៉ុស្តិ៍គ្រប់ប៉ុស្តិ៍ក្នុងខណ្ឌសែនសុខជាច្រើនរូបទៀត។
នៅក្នុងឱកាសនោះលោក ម៉ក់ ហុង អធិការនគរបាលខណ្ឌសែនសុខបានឡើងអានរបាយការណ៍សភាពការងារសន្តិសុខសណ្តាប់ធ្នាប់ក្នុងខណ្ឌដែលកម្លាំងនគរបាលខណ្ឌបានអនុវត្តដោយជោគជ័យនាឆ្នាំ២០១៦កន្លងមក។
ជាមួយគ្នានេះដែរ ក្នុងរបាយការណ៍នេះក៏បានបញ្ជាក់ពីការលំបាកនិងការងារស្រួលមួយចំនួនដែលកម្លាំងនគរបាលប៉ុស្តិ៍នីមួយៗអនុវត្តក្នុងមូលដ្ឋានរបស់ខ្លួនជូនអង្គសន្និបាតបានជ្រាបផងដែរ។
បន្ទាប់មកលោក ហោ វាសនា អភិបាលរងខណ្ឌសែនសុខបានឡើងមានមតិបូកសរុបអំពីការងាររបស់ខណ្ឌសែនសុខអនុវត្តបាននាឆ្នាំ២០១៦ និងលើកទិសដៅអនុវត្តសម្រាប់ឆ្នាំ២០១៧ បន្តទៀត។
ក្នុងឱកាសនោះដែរលោកឧត្តមសេនីយ៍ត្រី មិន សុផេត ស្នងការរងនគរបាលរាធានីភ្នំពេញបានឡើងមានមតិផ្តាំផ្ញើចំពោះនាយ និងពលនគរបាលខណ្ឌសែនសុខទាំងអស់ត្រូវតែយកចិត្តទុកដាក់ក្នុងការបំពេញភារកិច្ចរក្សាសន្តិសុខសណ្តាប់ធ្នាប់ជូនប្រជាពលរដ្ឋឲ្យបានល្អ និងជំរុញឲ្យតាមបណ្តាប៉ុស្តិ៍នគរបាលនីមួយៗខិតខំបង្ក្រាបគ្រឿងញៀន អំពើចោរកម្ម និងល្បែងស៊ីសងឲ្យអស់និងជាពិសេសលោកស្នងការរងបានជុំរុញអោយនគរបាលមណ្ឌគ្រាប់ប៉ុស្តិ៍ខិតខំស្រង់ស្ថិតិតាមដានសើបអង្កេតពីសកម្មភាពប្រជាពលរដ្ឋដែលរស់នៅក្នុងមណ្ឌរសប់ខ្លួនអោយបានច្បាស់លោះ។
ក្នុងនោះដែលោកក៍បានសង្កាត់ធ្ងន់ទៅលើការគ្រប់គ្រងមនុស្សមិនថាអ្នករស់នៅអចិន្ត្រយ័រឺអ្នកចំណូលថ្មីអោយបានជាក់លាក់ដើម្បីងាយស្រួលក្នុងការបង្ក្រាបរាល់បទល្មើសផ្សេងៗជាពិសេសបង្ក្រាបបទល្មើសគ្រឿងញៀន៕
បន្ទាប់មកលោក ឧត្តមសេនីយ៍ត្រី មិន សុផេត ស្នងការរងនគរបាលរាធានីភ្នំពេញ បានឧបឋមថវិការជួនដល់កងកម្លាំងនៃអធិការដ្ឋាននគរបាលខណ្ឌសែនសុខចំនួន១លានរៀលនិងលោក បុឹល កុសល អភិបាលនៃគណៈអភិបាលខណ្ឌសែនសុខនិងជាប្រធានគណៈបញ្ជាការឯកភាពខណ្ឌក៍បានឧបឋមថវិការតាមរយះលោក ហោ វាសនា ចំនួន១លានរៀលផងដែរ ជាការលើកទឹកចិត្តដល់កងកម្លាំងរបស់អធិការខណ្ឌក្នុងការបង្ក្រាបបទល្មើសផ្សេងក្នុងឆ្នាំ២០១៦និងបន្តទិសដៅឆ្នាំ២០១៧៕ តុង សីហា
