ភ្នំពេញ ៖ សម្ដេចអគ្គមហាសេនា បតីតេជោ ហ៊ុន សែន ប្រធានគណបក្ស ប្រជាជនកម្ពុជាបានមានប្រសាសន៍ថា ទោះជាត្រូវបន្ដប្រឈមនឹងភាពមិន ប្រាកដប្រជានិងហានិភ័យធំៗមួយចំនួនទាំងនៅក្នុងនិងក្រៅក្ដីក៏សេដ្ឋកិច្ចរបស់ កម្ពុជានៅតែសម្រេចបាននូវកំណើននៅក្នុងរយៈពេលប៉ុន្មានឆ្នាំចុងក្រោយនេះ ។ សម្ដេចតេជោមានប្រសាសន៍បែប នេះក្នុងមិទ្ទិញរំឭកខួបអនុស្សាវរីយ៍លើកទី៦៤ថ្ងៃបង្កើតគណបក្សប្រជាជនកម្ពុជា នៅទីស្នាក់ការកណ្ដាលគណបក្សក្នុងរាជធានីភ្នំពេញកាលពីថ្ងៃទី២៨ ខែមិថុនា ឆ្នាំ២០១៥ ។ សម្ដេចតេជោបានបន្ដថា នៅក្នុងវិស័យសេដ្ឋកិច្ចទោះជាត្រូវបន្ដ ប្រឈមនឹងភាពមិនប្រាកដប្រជានិង ហានិភ័យធំៗមួយចំនួនទាំងនៅក្នុងនិង ក្រៅប្រទេសរួមមានដូចជាគ្រោះមហន្ដ រាយធម្មជាតិ អស្ថិរភាពនយោបាយក៏ ដូចជាចលាចលនិងភាពមិនច្បាស់ លាស់នៅក្នុងទីផ្សារពលកម្មនៅក្រោយ ពេលបោះឆ្នោត ព្រមទាំងការបន្ដភាព មិនប្រាកដប្រជានៅក្នុងស្ថានភាពសេដ្ឋកិច្ចសកលយ៉ាងណាក៏ដោយក៏កម្ពុជានៅតែសម្រេចបាននូវកំណើនសេដ្ឋកិច្ច ក្នុងអត្រា៧,៣ភាគរយក្នុងឆ្នាំ២០១៣ និងប្រមាណ៧ភាគរយក្នុងឆ្នាំ២០១៤ ហើយនៅឆ្នាំ២០១៥ការព្យាករបង្ហាញ ថា សេដ្ឋកិច្ចកម្ពុជានឹងសម្រេចបាន កំណើនជុំវិញ៧ភាគរយបន្ដទៀត ។ នៅក្នុងសុន្ទរកថាសម្ដេចតេជោបានបង្ហាញថា ផលិតផលសរុបក្នុងស្រុក (ផសស) សម្រាប់ប្រជាជនម្នាក់ត្រូវបាន រំពឹងថា នឹងបន្ដកើនឡើងពី១.០៤២ដុល្លារ អាមេរិកនៅឆ្នាំ២០១៣ដល់១.១២៣ ដុល្លារអាមេរិកនៅឆ្នាំ២០១៤និងអាច កើនដល់១.២២០ដុល្លារអាមេរិកនៅឆ្នាំ២០១៥។ អតិផរណាមធ្យមប្រចាំឆ្នាំត្រូវ បានគ្រប់គ្រងឱ្យស្ថិតនៅក្រោមកម្រិត៥ភាគរយ ពោលគឺស្ថិតនៅក្នុងរង្វង់៣,៥ ភាគរយក្នុងឆ្នាំ២០១៤និងក្នុងឆ្នាំ២០១៥។អត្រាប្ដូរប្រាក់ក៏ត្រូវបានធានាឱ្យមាន ស្ថិរភាពជាទូទៅក្នុងរង្វង់៤.០៥០រៀល ក្នុងមួយដុល្លារអាមេរិក ។ អត្រានៃភាព ក្រីក្រត្រូវបានកាត់បន្ថយមកនៅក្រោម១៨ភាគរយនៅឆ្នាំ២០១៣ ។ លើសពីនេះ ទៀតផលផ្លែផ្កានៃកំណើនសេដ្ឋកិច្ចក៏ត្រូវបានបែងចែកក្នុងលក្ខណៈកាន់តែមាន សមធម៌ឡើងដែលត្រូវបានឆ្លុះបញ្ចាំង តាមរយៈការធ្លាក់ចុះនៃមេគុណវិសម ភាពនៃការប្រើប្រាស់ពី០,៤១នៅឆ្នាំ ២០០៧មកនៅត្រឹម០,២៩នៅឆ្នាំ២០១២ជាមួយនឹងការរំពឹងថា តួលេខនេះបន្ដ មានការធ្លាក់ចុះថែមទៀតនៅក្នុងឆ្នាំ ២០១៣ឆ្នាំ២០១៤ និងឆ្នាំ២០១៥នេះ ។ សម្ដេចតេជោថ្លែងថា ការអនុវត្ដ ថវិកាឆ្នាំ២០១៤បានបង្ហាញឱ្យឃើញនូវ លទ្ធផលគួរជាទីលើកទឹកចិត្ដមួយចំនួន នៃការកែទម្រង់ស៊ីជម្រៅក្នុងការគ្រប់ គ្រងហិរញ្ញវត្ថុសាធារណៈ ។ ការប្រមូល ចំណូលថវិការដ្ឋ ពិសេសចំណូលគយ និងពន្ធដារត្រូវបានពង្រឹងក្នុងកម្រិតគួរឱ្យកត់សម្គាល់ដែលត្រូវបានឆ្លុះបញ្ចាំងឱ្យឃើញតាមរយៈកំណើនយ៉ាងខ្លាំងនៃ ចំណូលចរន្ដថវិការដ្ឋក្នុងឆ្នាំ២០១៤ក្នុងអត្រាប្រមាណ១១,៧ភាគរយលើសពី គោលដៅកំណត់ក្នុងច្បាប់ហិរញ្ញវត្ថុឆ្នាំ២០១៤ ឬបានកើនប្រមាណ២៤,៦ភាគ រយធៀបនឹងការអនុវត្ដក្នុងឆ្នាំ២០១៣។ ក្នុងប្រតិបត្ដិការចំណាយសាធារណៈ គោលការណ៍វិចារណកម្មចំណាយដែល សំដៅធានាឱ្យចំណាយថវិកាមានការឆ្លើយ តបកាន់តែល្អប្រសើរឡើងទៅនឹងគោលនយោបាយអាទិភាពរបស់រាជរដ្ឋាភិបាល ព្រមទាំងគោលការណ៍បង្កើនប្រសិទ្ធភាព និងស័ក្ដិសិទ្ធភាពនៃចំណាយទាំងក្នុងកម្រិត វិភាជន៍ ទាំងក្នុងកម្រិតបច្ចេកទេស និង ប្រតិបត្ដិការក៏ត្រូវបានប្រកាន់និងជំរុញអនុវត្ដយ៉ាងខ្ជាប់ខ្ជួន ។ ចំណុចលេចធ្លោ ជាងគេបំផុតនៅក្នុងនេះគឺការដំឡើង បៀវត្សជូនមន្ដ្រីរាជការ យោធិន នគរ បាលជាតិ និងនិវត្ដជន ពិសេសជូន គ្រូបង្រៀននិងគ្រូពេទ្យទន្ទឹមនឹងការកែ ទម្រង់ប្រព័ន្ធបៀវត្សនិងប្រព័ន្ធរដ្ឋបាលសាធារណៈដែលផ្ដោតជាសំខាន់លើការធានាបើកប្រាក់បៀវត្សជូនមន្ដ្រីរាជក ារឱ្យបានទាន់ពេលវេលាក្នុងសបា្ដហ៍ទី៤នៃ ខែនីមួយៗតាមប្រព័ន្ធធនាគារដោយបើក ផ្ដល់ត្រង់ចូលទៅក្នុងគណនីរបស់មន្ដ្រី រាជការម្នាក់ៗនៅក្នុងធនាគារពាណិជ្ជតែម្ដង ៕ ហេង សូរិយា
