ភ្នំពេញ៖ នៅ វេលាម៉ោង៧និង៤០នាទីយប់ថ្ងៃទី៦ ខែកុម្ភៈ ឆ្នាំ២០១៧ កម្លាំងចម្រុះរបស់គណៈបញ្ជាការឯកភាពខណ្ឌដង្កោ ដឹកនាំដោយលោក ចេង មុនីរ៉ា អភិបាលរងខណ្ឌដង្កោ លោក នាក់ ណារ៉ូ អធិការរងនគរបាលខណ្ឌដង្កោ បានចុះត្រួតពិនិត្យអាវុធជាតិផ្ទុះនៅត្រង់ចំណុចមុខវត្តសំបួរ មាសផ្លូវ២១៧ ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ហើយបានឃាត់ខ្លួនយុវជនម្នាក់ ឈ្មោះ អ៊ែលតាហ្វា ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ៣៦ ភូមិទួលសង្កែ សង្កាតទួលសង្កែ ខណ្ឌឫស្សីកែវ រាជធានីភ្នំពេញ រួមនិងវត្ថុតាង យកមកធ្វើការសាកសួរនៅអធិការដ្ឋាននគរបាលខណ្ឌដង្កោ ។
វត្ថុតាងចាប់យកមាន៖ ក្រាមពណ៌សថ្លាចំនួន០៥កញ្ចប់(១កញ្ចប់ធំ, ៣កញ្ចប់ធំល្មម, ២កញ្ចប់តូច), ថងសម្រាប់ច្រកថ្នាំញៀន និងក្រដាសអាលុយមីញូមមួយចំនួន, កាបូសលាយក្រហម១ និង១គ្រឿងម៉ាកហុងដាធូដេ ពណ៌ក្រហម គ្មានស្លាក់លេខ។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ ភារ៉ា ដង្កោ
