ភ្នំពេញ៖ នារីម្នាក់បានរងរបួសធ្ងន់ខណៈកំពុងជិះម៉ូតូស្តុបពីត្រូវបុរសម្នាក់ជិះម៉ូតូដឹកអីវ៉ាន់មកបុកពីចំហៀងខាងឆ្វេងពេញទំហឹងបណ្តាលឲ្យនារីរងគ្រោះបោកទៅលើថ្នល់។

ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង៩និង៣០នាទីព្រឹកថ្ងៃទី១៣ ខែកុម្ភៈ ឆ្នាំ២០១៧ នៅចំណុចផ្លូវលេខ២៧១កែងផ្លូវលេខ៤៣២ ស្ថិតក្នុងសង្កាត់ទួលទំពួង២ ខណ្ឌចំការមន រាជធានីភ្នំពេញ។

ប្រភពព័ត៌មានពីកន្លែកើតហេតុបានឲ្យដឹងថា នៅមុនពេលកើតហេតុគេបានឃើញបុរសម្នាក់ជិះម៉ូតូម៉ាកហុងដាស្កុបពី១គ្រឿង ពណ៌សពាក់ស្លាកលេខព្រះសីហនុ1C-5538ធ្វើដំណើរតាមបណ្ដោយផ្លូវលេខ២៧១ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើក៏ស្រាប់តែមានបុរសម្នាក់ជិះម៉ូតូស៊េរីចាស់ដឹកអីវ៉ាន់ ធ្វើដំណើតាមបណ្ដោយផ្លូវលេខ២១៧បត់ចូលមកផ្លូវលេខ៤៣២បត់ឆ្វេងហើយបានជ្រុលបុកម៉ូតូខាងលើពេញទំហឹងបណ្ដាយឲ្យនារីម្នាក់ដួលបោកទៅលើថ្នល់រងរបួសធ្ងន់ត្រូវបានរថយន្តដឹកយកទៅសង្គ្រោះបន្ទាន់។

ក្រោយកើតហេតុម៉ូតូដឹកអីវ៉ាន់បង្កនិងម៉ូតូរងគ្រោះត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌចំការមនដោះស្រាយតាមផ្លូវច្បាប់ ៕ ស រស្មី