ខេត្តត្បូងឃ្មំុ ៖ កម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលស្រុកមេត់ បានចុះឃាត់ខ្លួនមុខសញ្ញាពាក់ពន្ធ័និងសារធាតុញៀនម្នាក់ក្នុងបទល្មើសជាក់ស្តែង។ ការឃាត់ខ្លួនជនសង្ស័យខាងលើធ្វើរឡើងកាលវេលាម៉ោង ១៣ និង ៣៥ នាទីថ្ងៃទី១៣ ខែគុម្ភះ ឆ្នាំ២០១៧ នៅចំណុចតារាងបាលទាត់ខ្នងក្រពើ ស្ថិតនៅភូមិខ្នងក្រពើលិច ឃុំត្រមូង ស្រុកមេមត់ ខេត្តត្បូងឃ្មុំ។
អធិការស្រុកមេមត់ លោក ហុង គឹមហឿន បានឲ្យដឹងថា ជនសង្ស័យមសនឈ្មោះ កែម ឡូត ភេទ ប្រុស អាយុ ២៨ ឆ្នាំ រស់នៅភូមិខ្នងក្រពើលិច ឃុំត្រមូង ស្រុកមេមត់ ខេត្តត្បូងឃ្មុំ ។ លោកបន្តថាក្នុងខណៈពេលឃាត់ខ្លួន កម្លាំងជំនាញយើងបានធ្វើការឆែកឆេររកឃើញម្សៅក្រាមពណ៌សថ្លាដែលសង្ស័យថាជាថ្នាំញៀនចំនួន ០៦ កញ្ចប់ ( ធំ ១ កញ្ចប់ , ធុនកណ្តាល ១ , តូច ០៤ កញ្ចប់ ) ។
ករណីនេះក្រោយពីការឃាត់ខ្លួន និងឆែឆេររកឃើញម្សៅក្រាមពណ៌សថ្លាដែលសង្ស័យថាជាថ្នាំញៀន ជនសង្ស័យត្រូវបាននាំខ្លួនមកកាន់អធិការដ្ឋាននគរបាលស្រុកមេមត់ ដើម្បីសាកសួរ និងបច្ចុប្បន្នជំនាញផ្នែកប្រឆាំងគ្រឿងញៀនបានកសាងសំណុំរឿងបញ្ចូនទៅតុលាការខេត្តត្បូងឃ្មុំ ដើម្បីផ្តន្ទាទោសតាមនីតិវិធី៕ វណ្ណះ
