ភ្នំពេញ ៖ ជនសង្ស័យ២នាក់ព្រោះតែអត់លុយទិញការ ដូរជួនសង្សាថ្ងៃ១៤កុម្ភៈបែកគំនិតឆក់ខ្សែកបានសម្រេចហើយភ្លាត់ឆ្នៀតដួលម៉ូតូត្រូប្រជា ពលរដ្ឋចាប់បានវាយ ទ្រោមខ្លួនទើបប្រគល់អោយ សមត្ថកិច្ចប៉ុស្តិ៍ភ្នំពេញថ្មី។
ហេតុការណ៍នេះបានកើតឡើងកាលពីវេលាម៉ោង ១៧និង០០នាទីល្ងាចថ្ងៃទី១៣ខែកុម្ភៈឆ្នាំ២០១៧តាមបណ្តោយផ្លូវឧញ្ញ៉ា ម៉ុងរិទ្ធី ភូមិបាយាបសង្កាត់ភ្នំពេញថ្មីខណ្ឌសែនសុខ។
ជនសង្ស័ទី១មានឈ្មោះ ឡេង ដារ័ត្ន ភេទប្រុសអាយុ២២ឆ្នាំមុខរបរមិនពិតប្រាកដស្នាក់នៅផ្ទះលេខ ២៦២ផ្លូវបេតុងភូមិទួលសង្កែសង្កាត់ទួលសង្កែខណ្ឌ ឫស្សីកែវ។ទី២មានឈ្មោះ ស៊ុន សកល ភេទប្រុសអាយុ១៩ឆ្នាំមុខរបរមិនពិតប្រាកដស្នាក់នៅផ្ទះលេខG៩ផ្លូវ៥៩៨ខណ្ឌទួលគោក។ចំណែកស្រ្តីរងគ្រោះមានឈ្មោះ ទ្រូ ចាន់នេ អាយុ៣១ឆ្នាំមុខរបរនៅផ្ទះស្នាក់ផ្ទះជួលភូមិច្រេស សង្កត់ភ្នំពេញថ្មី ខណ្ឌសែនសុខនិងមានស្រុកកំណើតភូមិស្វាយតាអែមឃុំពាមរការគយស្រុកគងមាសខេត្តកំពង់ចាម។
ប្រភពពីស្រ្តីរងគ្រោះបានអោយដឹងថាមុនពេលកើតហេតុរបគាត់បានជិះម៉ូតូ១គ្រឿងម៉ាកស៊ុយសុីគី CLiCKព័ណខ្មៅលាយសពាក់ស្លាកលេខភ្នំពេញ1Y2500ជិះម្នាក់ឯងមកពីម្តុំរង្វង់មូលកាំកូសុីធីក្នុងទិសដៅពីកើតទៅលិចលុះមកដល់ចំណុចកើតហេតុស្រាប់តែលេចមុខជនសង្ស័យមានគ្នា២នាក់ខាងលើបានជិះម៉ូតូ១គ្រឿងម៉ាកហុងដាសេ១២៥សេរីឆ្នាំ២០១៧ព័ណខ្មៅពាក់ស្លាកលេខ ភ្នំពេញ1GC5062 មកក្រោយបានធ្វើសកម្មភាពឆក់ខ្សែករស្លាកទីនរបស់គាត់ដែលមានទំងន់៣ជីបានហើយរួចពួកគេបានបើកម៉ូតូរត់តែភ្លាត់ឆ្នៀតក៍ដួលម៉ូតូហើយស្ត្រីរងគ្រោះស្រែកថាចោរឆក់ខ្សែករៗភ្លាមនោះប្រជាពលរដ្ឋនៅទីនោះបាននាំគ្នាជួយចាប់និងវាយឡើងទ្រោមខ្លួនទើបប្រគល់អោយសមត្ថកិច្ចប៉ុស្តិ៍ភ្នំពេញថ្មីតែម្តង។
នៅចំពោះមុខសមត្ថកិច្ចជនសង្ស័យទាំង២នាក់បានឆ្លើយសារភាពថាខ្លួនពិតជាបានធ្វើសកម្មភាពឆក់ខ្សែករបស់នារីរងគ្រោះពិតប្រាកដមែនហើយដោយសារតែពួកខ្លួនអត់លុយទិញការដូរអោយសង្សារនៅថ្ងៃទី១៤កុម្ភៈស្អែកនេះ។
បច្ចុប្បន្នជនសង្ស័យទាំង២នាក់កំពង់ឃាត់ខ្លួននៅអធិការដ្ឋាននគរបាលខណ្ឌសែនសុខចាត់ការបន្តតាមផ្លូវច្បាប់៕ តុង សីហា
