លោក Jan Olde Riekerinkត្រូវបានក្លិប Galatasaray របស់ប្រទេសទួរគីបណ្តេញ ចេញពីតំណែងគ្រូបង្វឹក ខណៈលោក Igor Tudor នឹងមកជំនួសតំណែងរបស់គាត់។

គ្រូបង្វឹក Jan Olde Riekerink វ័យ៥៤ឆ្នាំបានជួយក្រុមGalatasarayឈ្នះជើងឯកទួរគី Cup កាលពីរដូវកាលចាស់ប៉ុន្តែក្នុង រដូវកាលថ្មីក្រុមរបស់គាត់ពុំសូវមានលទ្ធ ផលល្អនោះទេដោយពួកគេកំពុងតែឈរ ចំណាត់ថ្នាក់លេខ៣តាមពីក្រោយក្រុម កំពូលតារាងBesiktasចំនួន៥ពិន្ទុ ។

លោក Dursun Ozbek ប្រធានក្លិប Galatasarayបានប្រកាសថា “បន្ទាប់ពីកិច្ចប្រជុំជាមួយនឹងថ្នាក់ដឹកនាំកំពូលៗរបស់ ក្លិបពួកយើងសម្រេចចិត្តបញ្ចប់តំណែង របស់លោក Riekerink ហើយយើងបានប្រាប់គាត់ពីការសម្រេចចិត្តនេះហើយ។ យើងចង់តែងតាំងគ្រូបង្វឹកថ្មីកាន់តែឆាប់កាន់តែល្អ” ។

លោក Igor Tudor អតីតខ្សែការពារអន្តរជាតិក្រូអាត និងក្លិបសេះបង្កង់Juventusគឺជាបេក្ខជននាំមុខគេដែលនឹងត្រូវមកកាន់តំណែងរបស់លោក Riekerink ៕ ដេវីត