ភ្នំពេញ៖ ស្ត្រីម្នាក់ត្រូវចោរឆក់យកកាបូបបានសម្រេចយកលុយនិងសម្ភារអស់ប្រមាណ១ពាន់ដុល្លារ បណ្តាលឲ្យស្ត្រីរងគ្រោះដួលរងបួសស្រាលថែមទៀត ហើយជនសង្ស័យគេចខ្លួនដោយសុវត្ថិភាពមិនរំខានដល់នគរបាលប៉ុស្តិ៍ទឹកថ្លាឡើយ។

ហេតុការណ៍នេះ បានកើតឡើងកាលពីវេលាម៉ោង១០និង២៥នាទីព្រឹកថ្ងៃទី១៤ ខែកុម្ភៈ ឆ្នាំ២០១៧ តាមបណ្តោយផ្លូវសហព័ន្ធរុស្សី ភូមិទ្រុងមាន់ សង្កាត់ទឹកថ្លា ខណ្ឌសែនសុខ។

ស្ត្រីរងគ្រោះមានឈ្មោះ អៀវ លីណា អាយុ៣៩ឆ្នាំ មុខរបរលក់កាហ្វេ ស្នាក់នៅផ្ទះលេខ១២ផ្លូវលំភូមិចំការឪឡឹក សង្កាត់កាកាប ខណ្ឌពោធិ៍សែនជ័យ ។

ប្រភពបានប្រាប់ទៀតថា នៅក្នុងកាបូបមានទូរស័ព្ទដៃមួយគ្រឿងម៉ាកអាយហ្វូនស៊ិកផ្លើស លុយរៀល និងដុល្លារសរុបប្រហែល១០០០ដុល្លារ ។ ក្រោយហេតុការណ៍កើតឡើង នារីរងគ្រោះបានត្រឹមមកកាន់ប៉ុស្តិ៍នគរបាលរដ្ឋបាលទឹកថ្លាដើម្បីដាក់ពាក្យបណ្តឹងប៉ុណ្ណោះ ៕ តុង សីហា