ខេត្តស្វាយរៀង ៖ អនុវត្តតាមផែនការ លេខ ០១ ផ.ក ចុះថ្ងៃទី ១៣-ធ្នូ-២០១៦ របស់ រាជរដ្ឋាភិបាល ស្ដីពីយុទ្ធនាការប្រយុទ្ធប្រឆាំង គ្រឿងញៀនខុសច្បាប់លើកទី១ រយៈពេល៦ ខែ ( ចាប់ពីថ្ងៃទី ០១ ខែ មករា ដល់ថ្ងៃទី ៣០ ខែ មិថុនា ឆ្នាំ ២០១៧ ) និងយោងតាមអនុសាសន៍ដ៏ខ្ពង់ខ្ពស របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ។
ជាក់ស្ដែងនាព្រឹកថ្ងៃទី២៤ខែកុម្ភះឆ្នាំ២០១៧លោក វរសេនីយ៍ឯក ស្រីវុត្ថាមេបញ្ជាការរង កងរាជអាវុធហត្ថខេត្តស្វាយរៀង បានចុះធ្វើយុទ្ធនាការ ផ្សព្វផ្សាយស្ដីពីផលប៉ះពាល់គ្រោះថ្នាក់នៃគ្រឿងញៀន ជូនដល់ លោកគ្រូ អ្នកគ្រូ និងសិស្សានុសិស្ស នៅសាលាអនុវិទ្យាល័យហ៊ុន សែនស្វាយតាយានស្ថិតក្នុងភូមិស្វាយតាយានឃុំស្វាយតាយានស្រុកគំពង់រោទ៏។
ក្នុងនោះដែរក៏មានការចូលរូមពីសំណាក់មេបញ្ជាការរង កងរាជអាវុធហត្ថខេត្តស្វាយរៀងកម្លាំងកងរាជអាវុហត្ថខេត្តស្វាយរៀងលោកនាយកសាលា លោកគ្រូ អ្នកគ្រូ និងសិស្សានុសិស្ស សរុប៥០០នាក់។
ក្នុងឱកាសនោះដែរ លោក វរសេនីយ៍ឯកស្រី វុត្ថា មេបញ្ជាការរង កងរាជអាវុធហត្ថខេត្តស្វាយរៀងក៏បានថ្លែងថាដោយមានការចង្អុលបង្ហាញ ពី ឯកឧត្តម ឧត្តមសេនីយ៏ត្រី សែ វុទ្ធី មេបញ្ជាការកងរាជអាវុធហត្ថខេត្ត បានចាត់អោយរូបលោកចុះធ្វើការផ្សព្វផ្សាយ ស្ដីពីផលប៉ះពាល់គ្រោះថ្នាក់នៃគ្រឿងញៀន ដល់សិស្សានុសិស្សទាំងអស់ក្នុងខេត្តអោយបានជ្រួនជ្រាបជាពទ៏មានពីផលប៉ះពាល់និងបានលើកយក មាត្រាមួយចំនួនពាក់ពន្ធ័ និងការដាំដុះ ជូញដូរ រក្សាទុក ចែកចាយ និងការប្រើប្រាស់ដោយខុសច្បាប់នូវសារធាតុញៀនផងដែរ ។
បន្ទាប់មកលោក វរសេនីយ៏ទោយន្ត័សេង ប្រធានមន្ទីរស្រាវជ្រាវនិងយុត្តិធម៌ក៏បានផ្តាំផ្ញើដល់ ប្អូនៗ ក្មួយៗ សិស្សានុសិស្ស ត្រូវជៀសអោយឆ្ងាយពីគ្រឿងញៀន និងត្រូវនិយាយថា ទេ ចំពោះគ្រឿងញៀន ។
ជាចុងបញ្ចប់ ក្នុងពិធីនេះដែរក៍មានសំនួរចម្លើយ ដែលសិស្សានុសិស្សណាឆ្លើយត្រូវជូនរង្វន់១នាក់ទទូលបានសៀវភៅ១ក្បាល ប៊ិច១និងថវិការ១០.០០០រៀល(មួយម៉ឺន )ព្រមទាំងចែកជូនសៀវភៅក្រមព្រហ្មទ័ណ្ឌ ១ច្បាប់ ក្រមរដ្ឋប្បវេណី១ច្បាប់ច្បាប់ស្តីីពីការប្រើប្រាស់គ្រឿងញៀន១ច្បាប់ ដល់លោកគ្រូអ្នកគ្រូសម្រាប់ប្រើប្រាស់ផងដែរ។
សូមបញ្ជាក់ថាកងរាជអាវុធហត្ថខេត្តស្វាយរៀងចុះធ្វើយុទ្ធនាការ ផ្សព្វផ្សាយស្ដីពីផលប៉ះពាល់គ្រោះថ្នាក់នៃគ្រឿងញៀន ជូនដល់ លោកគ្រូ អ្នកគ្រូ និងសិស្សានុសិស្ស ចំនួន២លើករួចមកហើយមានវិទ្យាល័យពោធ៏ធំក្នុងឃុំគ្រួសស្រុកស្វាយជ្រំនិងវិទ្យាលយ័ ប៊ុន រ៉ានីហ៊ុន សែនចន្ទ្រា ស្ថិតនៅភូមិបុស្ស ឃុំមេសរថ្ងក ស្រុកចន្ទ្រាផងដែរ ៕ សុថាន
