ខេត្តក្រចេះ ៖ ស្ត្រីមេម៉ាយម្នាក់ ត្រូវបានឃាតកចូលសម្លាប់ក្នុងផ្ទះដោយពុំទាន់ដឹងមូលហេតុ ។ ហេតុការណ៍នេះ បានកើតឡើងកាលពីវេលាម៉ោង១០និង៣០ ថ្ងៃទី២៤ ខែកុម្ភៈ ឆ្នាំ២០១៧ នៅភូមិអូគ្រៀង ស្រុកសំបូរ ខេត្ត ក្រចេះ។

ជនរងគ្រោះឈ្មោះ អេង  ម៉េងជា ភេទស្រី អាយុ៣៣ឆ្នាំ មានកូន២នាក់ ប្រុស១នាក់ស្រី១នាក់ ។

តាមសាក្សីដែលនៅផ្ទះជិតខាងបានអោយដឹងថា  នៅវេលាម៉ោងប្រហែល១០និង៣០នាទីព្រឹក ពួកគាត់បាន ឮសំឡេងក្តុងក្តាំងក្នុងផ្ទះស្ត្រីរងគ្រោះ តែនឹកស្មានថាជាសំឡេងជ្រូក ព្រោះផ្ទះរបស់គាត់មានដាក់មេនៅក្នុង នោះ។ លុះពេលកូនប្រុសស្ត្រីរងគ្រោះចេញពីសាលារៀនមកក៏បានឃើញម្តាយរបស់ខ្លួនដេកស្លាប់ នៅក្នុង បន្ទប់ទឹក ។

ករណីនេះ សមត្ថកិច្ចកំពុងស្រាវជ្រាវស្វែងរកមុខសញ្ញាជនដៃដល់យកមកផ្តន្ទាទោសតាមច្បាប់ ៕