ក្រុមបិសាចក្រហម Manchester United បានយកឈ្នះក្រុម Southampton ក្នុង លទ្ធផល ៣-២ ដណ្តើមបានពានរង្វាន់ EFL Cup រដូវកាលនេះកាលពីរាត្រីថ្ងៃ ទី២៦ ខែកុម្ភៈ ឆ្នាំ២០១៧ នៅក្នុងទឹកដី របស់ខ្លួន ។

កីឡាករខ្សែប្រយុទ្ធចាស់វស្សា Zlatan Ibrahimovic និងកីឡាករខ្សែបម្រើវ័យក្មេង Jesse Lingard បានស៊ុតឲ្យ Man Utd នាំមុខ ២-០ មុននៅនាទីទី១៩ និងនាទីទី ៣៨ ប៉ុន្តែត្រូវខ្សែប្រយុទ្ធរបស់ក្រុម Sout-hampton កីឡាករ Manolo Gabbiadini រកបាន២គ្រាប់ឲ្យក្រុមខ្លួនតាមស្មើ ២-២ វិញ នៅនាទីទី៤៥ និងទី៤៨។ ចូលដល់នាទីទី ៨៧កីឡាករ Zlatan Ibrahimovic បាន ក្លាយជាវីរបុរសរបស់ក្រុម Man Utd ដោយ តែតបញ្ចូលទីក្រុម Southampton បានមួយគ្រាប់ទៀតជួយឲ្យក្រុមបិសាចក្រហមលើកពានបានសម្រេចអមដោយសំឡេងអបអរកងរំពងពេញពហុកីឡដ្ឋាន ។

គួរបញ្ជាក់ថា ក្រុមបិសាចក្រហម Man Utd បានឈ្នះពានរង្វាន់ធំៗ៤២ពាន ក្នុង នោះពានអង់គ្លេស Premier League ២០ ដង, FA Cup ១២ដង, ពានរង្វាន់កំពូលអឺរ៉ុប ៣ដង, FIFA Club World Cups ២ដង និង EFL Cup (League Cup) ៥ដងក្លាយជាក្រុមជោគជ័យបំផុតនៅអង់គ្លេស ។

ក្រុមបិសាចក្រហម Manchester United បានលើកពាន EFL Cup ឬ League Cup ជាលើកទី៥ និងជាក្រុមដែលមានពានរង្វាន់ច្រើនជាងគេដោយឈ្នះទាំងក្រុមហង្ស ក្រហម Liverpool ដែលមាន៤១ពាន (លើសហង្សក្រហម១ពាន) ក្លាយជាក្រុមជោគជ័យបំផុតនៅប្រទេសអង់គ្លេស ។

ក្រុមហង្សក្រហម Liverpool ឈ្នះពាន រង្វាន់ធំៗសរុបបាន៤១ពានក្នុងនោះពានពានអង់គ្លេស Premier League ១៨ដង, FA Cups ៧ដង, EFL Cup (League Cup) ៨ដង, ពានរង្វាន់កំពូលអឺរ៉ុប៥ដង និង UEFA Cups ៣ដង ៕