ខេត្តកណ្ដាល៖ រថយន្ត HINO មួយគ្រឿងបានបើកជែងគ្នារួចជ្រុលចង្កូតទៅ បុកម៉ូតូ០១គ្រឿង បើកបញ្ច្រាសទិស បណ្តាលឲ្យស្ត្រីម្នាក់រងរបួសធ្ងន់ កាលពីម៉ោង៦និង៤០នាទីព្រឹកថ្ងៃទី៤ ខែមីនា ឆ្នាំ២០១៧ នៅចន្លោះគីឡូម៉ែត្រលេខ៣៤-៣៥ ភូមិជ័យឧត្តម្ភ ឃុំសំរោងធំ ស្រុកកៀនស្វាយ ខេត្តកណ្ដាល។

ជនរគ្រោះមានឈ្មោះ សឿន ចិន្ដា ភេទស្រី អាយុ២៥ឆ្នាំ មានទីលំនៅក្នុងភូមិ ពពាលខែឃុំដីឥដ្ឋ ស្រុកកៀនស្វាយជិះ ម៉ូតូម៉ាកហុងដា C125 ពណ៌ខ្មៅពាក់ស្លាកលេខ ភ្នំពេញ 1CG 7668 ។ ចំណែករថយន្តបង្ក ប្រភេទដឹកទំនិញម៉ាក HINO ពណ៌ស ពាក់ស្លាកលេខ ព្រះសីហនុ 3A-2424 កករោយកើតហេតុអ្នកបើកបររត់គេចខ្លួនបាត់ ។

មន្រី្តនគរបាលចរណ៍ស្រុកកៀនស្វាយបានឲ្យដឹងថា មុនពេលកើតហេតុរថយន្តបង្កបានបើកតាមបណ្តោយផ្លូវជាតិលេខ១ពីកើតមកលិច ហើយពេលបើកមកដល់ចំណុចកើតហេតុ បានប្រជែងជៀសរថយន្ត១គ្រឿងទៀតនៅពីមុខទើបជ្រុលចង្កូតមកបុកម៉ូតូស្រី្ត រងគ្រោះ កំពុងធ្វើដំណើរក្នុងទិសដៅច្រាសគ្នា បណ្ដាលឲ្យដួលរបួសធ្ងន់អ្នកបើកម៉ូតូហើយត្រូវបានគេបញ្ជូនទៅកាន់មន្ទីរពេទ្យពេទ្យបង្អែកស្រុកកៀនស្វាយភ្លាមៗ។ ចំពោះមធ្យោបាយពាក់ព័ន្ធ ត្រូវបានសមត្ថកិច្ចយកមកកាន់អធិការដ្ឋាននគរបាលស្រុកដើម្បីស្រាវជ្រាវ រកអ្នកបើកបរមកអនុវត្តតាមនីតិវិធី។

សមត្ថកិច្ចបានបញ្ជាក់ថា ករណីនេះ បណ្ដាលមកពីអ្នកបើកបររថយន្តបង្កមិនបានរក្សាចន្លោះសុវត្ថិភាព ក្នុងការបើកបររវាងរថយន្តខាងមុខ ពេលដែលរថយន្តមុខហ្វាំង រថយន្តបង្កក៏គេចចេញ ទើបជ្រុលចង្កូតមកបុកលើម៉ូតូរបស់ស្រ្តីរងគ្រោះយ៉ាងនេះ៕