ភ្នំពេញ៖ នៅវេលាម៉ោង១០និង៣០នាទីព្រឹកថ្ងៃទី៨ ខែមីនា ឆ្នាំ២០១៧នេះ លោក យឹម សារ៉ាន់ អធិការនគរបាលខណ្ឌពោធិ៍សែនជ័យធ្វើការបង្ហាញមុខក្រុមជនដៃដល់ដែលឃាត់ខ្លួនបានជាបន្តបន្ទាប់ចំនួន៩នាក់ ដែលធ្វើសកម្មភាពកាប់ប្លន់ជនរងគ្រោះយកម៉ូតូកាលពីយប់ថ្ងៃទី៤ ខែមីនា ឆ្នាំ២០១៧ កន្លងទៅ។
ការបង្ហាញមុខជនសង្ស័យខាងលើនេះធ្វើឡើងនៅអធិការនគរបាលខណ្ឌពោធិ៍សែនជ័យផ្នែកនគរបាលយុត្តិធម៌។
ក្រោយពីធ្វើការឃាត់ខ្លួនជនសង្ស័យខាងលើជាបន្តបន្ទាប់សមត្ថកិច្ចដកហូតបានវត្ថុតាង៖ ដាវសាមូរ៉ៃ១ដើម ស្លាកលេខម៉ូតូ២ និងសម្ភារប្រើប្រាស់គ្រឿងញៀនមួយចំនួនផងដែរ៕ សុខា សែនជ័យ
...
