កីឡាករ Edinson Cavani បានក្លាយជាកីឡាករដែលរកគ្រាប់បាល់បានច្រើនជាងគេគិតត្រឹមថ្ងៃទី៨ ខែមីនា ឆ្នាំ ២០១៧។ កីឡាករសញ្ជាតិអ៊ុយរ៉ាហ្គាយ រូបនេះបានចូលលេងក្នុងក្លិប PSG ដែល ជាក្លិបខ្លាំងនៅបារាំង ។

កីឡាករវ័យ៣០ឆ្នាំរូបនេះបានបង្ហាញទម្រង់លេងបានយ៉ាងល្អទោះបីជាគាត់មានវ័យចំណាស់បន្តិចក្តី។ សម្រាប់រដូវកាល នេះកីឡាករ Cavani រកគ្រាប់បាល់បាន ២៦គ្រាប់ក្នុងក្របខ័ណ្ឌលីកកំពូលរបស់ បារាំង ។

ចំណែកតារាឆ្នើមសញ្ជាតិអាហ្សង់ទីន Messi វិញរកគ្រាប់បាល់បាន២៣គ្រាប់ជាអ្នកតាមពីក្រោយ ប៉ុន្តែសម្រាប់រដូវកាលនេះមិនទាន់ចប់ភ្លាមៗនោះទេ ពោលគឺនៅសល់ប្រហែលជា១១ទៅ១២សប្តាហ៍ឬក៏លើសពីនេះទៀតទើបចប់ដែលអាចធ្វើឲ្យ កីឡាករឆ្នើមៗនៅក្របខ័ណ្ឌកំពូលនីមួយៗនៅតំបន់អឺរ៉ុបអាចរកគ្រាប់បាល់បានច្រើន និងក្លាយជាកីឡាករបានស្បែកជើងមាស ៕