ភ្នំពេញ : ជនសង្ស័យម្នាក់និងថ្នាំញៀនចំនួន១៣កញ្ចប់ត្រូវកម្លាំងនគរបាលព្រហ្មទណ្ឌខណ្ឌសែនសុសហការណ៍ជាមួយនគរបាលប៉ុស្តិ៍ទឹកថ្លាធ្វើការឃាត់ខ្លួនសង្ស័យជាប់ពាក់ព័ន្ធករណីជួញដូរគ្រឿងញៀន។
ការឃាត់ខ្លួននេះធ្វើឡើងកាលពីម៉ោង១៣និង០០នាទីថ្ងៃទី៨មីនាឆ្នាំ២០១៧នៅចំណុចផ្លូវ២៧១ភូមិបុរីកម្មករសង្កាត់ទឹកថ្លាខណ្ឌសែនសុខ។
សមត្ថកិច្ចបានអោយដឹងថាជនសង្ស័យមានឈ្មោះ ឈុន ប្រុស (ហៅប្រុស) អាយុ១៨ឆ្នាំមុខរបរមិនពិតប្រាកដស្នាក់នៅភូមិសែនសុខ៣សង្កាត់ឃ្មួញខណ្ឌសែនសុខនិងមានស្រុកកំណើតភូមិដើមចាន់សង្កាត់ច្បារអំពៅ ខណ្ឌមានជ័យ។
តាមប្រភពពីសមត្ថកិច្ចបានប្រាប់ឱ្យដឹងថាមុនឃាត់ខ្លួនជនសង្ស័យខាងលើគឺកំលាំងព្រហ្មទណ្ទខណ្ឌសែនសុខសហការណ៍ជាមួយប៉ុស្តិ៍នគរបាលរដ្ឋបាលទឹកថ្លាធ្វើការច្បាមនិងប្រើជំនាញជាច្រើនថ្ងៃមកហើយរហូតដល់ម៉ោងខាងលើបានឃើញជនសង្ស័យកំពុងជិះម៉ូតូឌុបមួយគ្រឿងម៉ាកសង់កូរ៉េពណ៌ក្រហមឆ្លងកាត់ចំណុចផ្លូវ២៧១ក្រោយពីឃើញហើយក៍ហៅអោយឈប់ធ្វើការត្រួតពិនិត្យនិងឆែកឆេឃើញមានម្សៅក្រាមថ្លាចំនួន១៣កញ្ចប់ដែលសមត្ថកិច្ចសង្ស័័យជាសារធាតុញៀនទើបឃាត់ខ្លួនភ្លាមៗ។ប្រភពដដែលបន្តទៀតថានៅត្រួតពិនិត្យកន្លែងឃាត់ខ្លួនឃើញមានថ្នាំញៀនតែ១២កញ្ចប់តូចទេលុះមកដល់អធិការខណ្ឌធ្វើការឆែកឆេម្តងទៀតស្រាប់តែឃើញថ្នាំញៀនប្រភេទក្រាមសថ្លាចំនួន១កញ្ចប់ថង់ធំទៀតដែលជនសង្ស័យបានលាក់ទុកក្នុងមួកពណ៌ខ្មៅពាក់ជាប់ក្បាល។
នៅចំពោះមុខសមត្ថកិច្ចជនសង្ស័យខាងលើបានឆ្លើលសារភាពថាថ្នាំញៀនប្រភេទក្រាមសថ្លាចំនួន១៣កញ្ចប់ថងតូចធំខាងលើនេះពិតជារបស់ខ្លួនមែនដោយខ្លួនបានទិញពីឈ្មោះរ៉ូ នៅក្រោយខារ៉ាអូខេញ៉ួស្តារគោលបំណងយកទៅលក់បន្តរ។
បច្ចុប្បន្នជនសង្ស័យនិងវត្ថុតាងកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងបញ្ជួនទៅតុលាកាចាត់ការបន្តតាមនិតិវិធី៕ តុង សីហា
