ខេត្តត្បូងឃ្មុំ ៖ បុរសម្នាក់បានផឹកស្រាស្រវឹងរួចដាច់ចិត្តបញ្ចប់ជីវិតចងកសម្លាប់ខ្លួន ព្រោះមានវិបត្តិក្នុងគ្រួសារ ដោយសារប្រពន្ធរត់ចោល ។ ហេតុការណ៍បានបង្កឲ្យមានការភ្ញាក់ផ្អើលដល់់អ្នកភូមិ រហូតដល់សមត្ថកិច្ចបានចុះមកពិនិត្យសព កាលពីវេលាម៉ោង១០និង៣០នាទី ថ្ងៃទី១១ ខែមីនា ឆ្នាំ២០១៧ ។
មន្រ្តីនគរបាលនៃអធិការដ្ឋានក្រុងសួងបានឲ្យដឹងថា ជនរគ្រោះឈ្មោះ ជាម ជីវា ហៅ វឹក ភេទប្រុស អាយុ៣៥ឆ្នាំ រស់នៅភូមិតូង សង្កាត់សួង ក្រុងសួង ខេត្តត្បូងឃ្មុំ បានបញ្ចប់ជីវិតដោយចងកសម្លាប់ខ្លួន។ ជនរងគ្រោះបានចងកនៅនឹងធ្នឹមផ្ទះ កម្ពស់២.៥០ម៉ែត្រ ដោយប្រើខ្សែនីឡុង ។
មន្រ្តីនគរបាលបន្តថា តាមការពិនិត្យ មានស្នាមទ្រុតនៅក ផ្នែកខាងមុខ នៃរង្វង់ក ។ ក្រៅពីស្លាកស្នាមនេះ ពុំមានស្លាកស្នាមអ្វីផ្សេងគួរឲ្យកត់សម្គាល់អ្វីទេ ។
តាមការសន្និដ្ឋានពីសមត្ថកិច្ចជំនាញ ជនរងគ្រោះស្លាប់នៅម៉ោងប្រហែល២៣ ថ្ងៃទី១០ ខែមីនា ឆ្នាំ២០១៧ ។ ករណីសម្លាប់នេះ ពុំពាក់ព័ន្ធករណីឃាតកម្មទេ ។
ក្រោយពីពិនិត្យទៅលើស្ថានភាពសព ក៏បានប្រគល់សពជូនសាច់ញាតិ ដើម្បីធ្វើបុណ្យតាមប្រពៃណី ៕ វណ្ណះ
