ថាមពលធ្លាប់បានចាត់ទុកជា«ដាវទិព»ជួយរុស្ស៊ីអាចគម្រាមកំហែងលោកខាងលិចបាន ហើយអាចធ្វើឲ្យលោកខាងលិចទុកមុខឲ្យមិនហ៊ានតតាំងនោះឡើយ។ប៉ុន្តែក្នុងពេលដែលតម្លៃប្រេងបន្តធ្លាក់ចុះអត់ឈប់ឈរធ្វើឲ្យឥទ្ធិពលរបស់រុស្ស៊ីក៏ត្រូវធ្លាក់ចុះហើយគោលនយោបាយបំពង់បង្ហូរឧស្មានក៏ត្រូវថយចុះផងដែរ ។
ជាច្រើនឆ្នាំកន្លងមក ការដែលរុស្ស៊ីកាត់បន្ថយការនាំចេញថាមពលលក់ទៅឲ្យអឺរ៉ុបក្នុងពេលដែលមានភាពតានតឹងជាមួយលោកខាងលិច ធ្វើឲ្យលោកខាងលិចពិសេសគឺអឺរ៉ុបដេកមិនលក់បកមិនល្ហើយក្នុងពេលរដូវរងាមកដល់ពលរដ្ឋត្រូវការឧស្ម័នហ្គាសជាចាំបាច់សម្រាប់ដុតកម្តៅ ។
ប៉ុន្តែនៅពេលនេះតម្លៃប្រេងថាមពលធ្លាក់ចុះ ធ្វើឲ្យប្រសិទ្ធិភាពនៃថាមពលប្រេងរបស់រុស្សីក៏ធ្លាក់ចុះដែរ។ សូម្បីតែក្រុមហ៊ុនថាមពលដ៏ធំរបស់រុស្ស៊ី«Gazprom»ដែលរងការរិះគន់ថាធ្វើការតាមតែបញ្ចារបស់វិមានKremlin«វិមានប្រធានាធិបតីរុស្ស៊ី»ក៏ត្រូវប្រឈមនិងបញ្ហាជាច្រើន។លិខិតបញ្ចាទិញឧស្ម័នធម្មជាតិក៏ធ្លាក់ចុះជាបន្តបន្ទាប់មិនធ្លាប់មានក្នុងប្រវត្តិសាស្រ្តចាប់តាំងពីអតីតសហភាពស៊ូវៀតដួលរលំ ។
នៅពេលនេះប្រទេសដែលតែងតែអាស្រ័យទៅលើការផ្គត់ផ្គងថាមពលពីក្រុមហ៊ុនរុស្ស៊ី ក៏មានជម្រើសថ្មីសម្រាប់ខ្លួនឯង ។ នៅខែក្រោយនេះក្រុមហ៊ុនGazprom ត្រូវតែសម្រេចថាធ្វើបែបណាដើម្បីប្រឆាំងនឹងពាក្យបន្តឹងប្រឆាំងសិទ្ធផ្តាច់មុខរបស់អឺរ៉ុប ដើម្បីរារាំងទំនិញរបស់រុស្ស៊ីចរាចរណ៍នៅក្នុងតំបន់អឺរ៉ុប ។
ការធ្លាក់ចុះរបស់ក្រុមហ៊ុនGazprom ជាឧកាសសម្រាប់លោកខាងលិចរារាំងរុស្ស៊ីជ្រៀតជ្រែកចូលក្នុងវិបត្តិប្រទេសអ៊ុយក្រែន ដោយមិនខ្លាចរុស្ស៊ីគម្រាមកំហែងកាត់បន្ថយថាមពលឧស្ម័នហ្គាសឡើយ។ ក្រៅពីនេះការកើតចេញនៅកិច្ចព្រមព្រៀងបរមាណូរបស់អឺរ៉ងអាចជួយឲ្យអឺរ៉ុបមានប្រភពផ្គត់ផ្គងថ្មីជំនួសវិញ។ ទាំងនោះហើយធ្វើឲ្យរុស្ស៊ីត្រូវបាត់បង់អតិថជនជាច្រើននៅអឺរ៉ុប។ដូចឆ្នេះ«ដាវទិពរុស្ស៊ីមិនអាចគម្រាមកំហែងអឺរ៉ុបបានដូចកាលពីមុនឡើយ ។
អ្នកឯកទេសវិភាគលោកMikhail Krutikhin មកពីក្រុមហ៊ុនព្រឹក្សាRusEnergy មានទីតាំងនៅទីក្រុងមូស្កូបញ្ចាក់ថា«Gazprom ពេលនេះកំពុងស្ថិតនៅក្នុងតំណាក់កាលមិននឹងនរ ដោយសារតែប្រាក់ចំណូលរបស់ក្រុមហ៊ុនថយចុះយ៉ាងខ្លាំង» ។
កន្លងមកក្រុមហ៊ុនGazprom ធ្លាប់បានចាត់ទុកថាជាក្រុមហ៊ុននាំថាមពលប្រេងឧស្ម័នធំបំផុតនៅលើពិភពលោក។ កាលពីឆ្នាំ២០០៨អគ្គនាយកក្រុមហ៊ុននេះធ្លាប់បានប្រកាសថានៅពាក់កណ្តាលទស្សវត្តន៍នេះ គឺនៅឆ្នាំ២០១៥ ប្រាក់ចំណូលរបស់ក្រុមហ៊ុននឹងកើនឡើងរហូតដល់ទៅ១០០០ពាន់លានដុល្លារ ។
កាលពីសម័យសហភាពស៊ូវៀត អឺរ៉ុបបានទិញភាគច្រើនឧស្ម័នធម្មជាតិពីប្រទេសជិតខាងសម្បូរទៅដោយថាមពលប្រេងហ្គាស រហូតដល់ទៅប្រទេសលោកខាងកើតទៀតផង។នៅពេលស៊ូវៀតដួលរលំអឺរ៉ុបខាងកើតនៅតែបន្តអាស្រ័យទាំងស្រុងទៅលើការផ្គត់ផ្គងពីរុស្ស៊ី។ បណ្តាប្រទេសនៅតំបន់Balkan ដូចជាហុគ្រីនិងប្រទេសបាលទិច ជាប្រទេសអាស្រ័យទាំងស្រុងទៅលើថាមពលរបស់រុស្ស៊ី។មកទល់ពេលនេះរុស្ស៊ីនៅតែបន្តផ្គត់ផ្គងថាមពលហ្គាសរហូតដល់ទៅ១ភាគ៣នៃតម្រូវការប្រើប្រាស់នៅអឺរ៉ុប ។
ប៉ុន្តែក្រោយពេលរុស្ស៊ីកាត់បន្ថយការនាំចេញថាមពលនៅឆ្នំា២០០៦និង២០០៩ដោយសារតែភាពតានតឹងនយោបាយ អឺរ៉ុបក៏បានចាប់ផ្តើមស្វែងរកប្រភពផ្គត់ផ្គងផ្សេងទៀតមកជំនួស។ជាការពិត ក្រុមហ៊ុនGazprom របស់រុស្ស៊ីលក់ថាមពលថ្លៃជាងប្រទេសនានាទាំងអស់។
លោកDieter Helm សាស្ត្រាចារ្យនៅសកលវិទ្យាល័យថាមពលOxford បានបញ្ចាក់ថា «រុស្ស៊ីដាំគ្រាប់ពូជណានឹងទទួលបានផ្លែនោះ។រុស្ស៊ីចង់ឲ្យមានស្ថានភាពផ្គត់ផ្គងមិនប្រសើរធ្វើឲ្យប្រទេសជាអតិថជនត្រូវស្វែងរកកន្លែងផ្សេងមកជំនួស មិនអាចទុកឲ្យស្ថានភាពបែបនេះអូសបន្លាយឡើយ។ក្នុងពេលនេះប្រភពផ្គត់ផ្គងកាន់តែសម្បូរបែប ធ្វើឲ្យអឺរ៉ុបមិនខ្វល់ពីការគម្រាមកាត់ផ្តាច់ការផ្គត់ផ្គងឧស្ម័នរបស់រុស្ស៊ីឡើយ»។
ក្នុងពេលជាមួយគ្នានេះប្រភពផ្គត់ផ្គងឧស្ម័នធម្មជាតិពីអាមេរិកសម្បូបែបដោយសារតែក្រុមហ៊ុនឧស្សាហ៍កម្មខួងយករ៉ែថ្មសេសសល់កើតឡើងយ៉ាងច្រើន។ សូម្បីតែអ៊ុយក្រែនជាប្រទេសអាស្រ័យទាំងស្រុងទៅនឹងថាមពលរបស់រុស្ស៊ីពេលនេះក៏បានកាត់បន្ថយផងដែរ ក្រោយពេលដែលរដ្ឋាភិបាលទីក្រុង«មូស្កូ»បានសម្រេចដាក់បញ្ចូលតំបន់ស្វាយ័តគ្រីមៀស្ថិតក្រោមការគ្រប់គ្រងរបស់រុស្ស៊ី។ សូម្បីតែអាកាសធាតុក៏មិនជួយដល់រុស្ស៊ីនោះដែរ កាលពីមុនត្រជាក់ពេលកន្លងមកក៏មិនត្រជាក់ដូចជាឆ្នាំមុនៗ ហើយពលរដ្ឋក៏បានកាត់បន្ថយការប្រើប្រាស់ឧស្ម័នដុតកម្តៅនោះដែរ ។
ក្រសួងសេដ្ឋកិច្ចរុស្ស៊ីបានលើកឡើងការព្យាករណ៍ថាការឃួងយកថាមពលរបស់Gazprom និងថយចុះដល់ទៅ៧ភាគរយក្នុងឆ្នាំនេះគឺជាការធ្លាក់ចុះខ្លំាងបំផុតមិនធ្លាប់មានពីមុនមកក្នុងប្រវត្តិសាស្ត្ររបស់ក្រុមហ៊ុន។មួយវិញទៀតតម្លៃប្រាក់រុស្ស៊ីក៏បានធ្លាក់ចុះយ៉ាងខ្លាំងដល់ទៅពាក់កណ្តាលប្រើប្រៀបធៀបនឹងប្រាក់ដុល្លារអាមេរិកទាំងនោះហើយធ្វើឲ្យសកម្មភាពអាជីវកម្មរបស់ក្រុមហ៊ុនហ្គាសរបស់រុស្ស៊ីក៏ត្រូវធ្លាក់ចុះដូចគ្នា។ ទាំងនោះដោយសារតែការដាក់ទណ្ឌកម្មពីប្រទេសលោកខាងលិចទៅលើសេដ្ឋកិច្ចរបស់រុស្ស៊ី ។
ដើម្បិកាត់បន្ថយការអាស្រ័យទាំងស្រុងទៅលើអតិថជននៅតំបន់អឺរ៉ុប ក្រុមហ៊ុនថាមពលរបស់រុស្ស៊ីក៏បានបង្វែទិសដៅរក្សាជាមួយប្រទេសលោកខាងកើតវិញម្តង ដោយរុស្ស៊ីបានចុះកិច្ចព្រមព្រៀងផ្តល់ឧស្ម័នហ្គាសជាប្រវត្តិសាស្ត្រទៅឲ្យប្រទេសចិនកាលពីឆ្នាំ២០១៤។ កិច្ចព្រមព្រៀងនោះនឹងត្រូវចំណាយពេលជាច្រើនឆ្នាំទើបមានលទ្ធិផល។ ទម្រាប់តែការសាងសង់បំពង់បង្ហូឧស្ម័នទៅកាន់ប្រទេសចិនរួម សេដ្ឋកិច្ចចិនក៏អាចធ្លាក់ចុះពេលនោះចិនក៏កាត់បន្ថយការនាំចូលពីរុស្ស៊ីផងដែរ ។
ក្នុងពេលប៉ុន្មានឆ្នាំខាងមុខនេះរុស្ស៊ីនៅតែបន្តប្រឈមមុខតានតឹងខាងសេដ្ឋកិច្ចដោយសារតែការដាក់ទណ្ឌកម្មរបស់អឺរ៉ុបនិងអាមេរិក។អ្វីដែលជាផលលំបាក់របស់រុស្សីនាពេលនេះគឺអឺរ៉ុបមិនត្រូវការថាមពលពីរុស្ស៊ីនោះឡើយ ក្រោយកិច្ចព្រមព្រៀងបរមាណូជាមួយអឺរ៉ង ថាមពលអឺរ៉ងនឹងហូចូលអឺរ៉ុបជំនួសរុស្ស៊ីវិញ។ អឺរ៉ងគឺជាប្រទេសមានថាមពលហ្គាលឈរលំដាប់ទីពីរបន្ទាប់ពីរុស្ស៊ីហើយអឺរ៉ងមានថាមពលគ្រប់គ្រាន់សម្រាប់ផ្តល់ឲ្យអឺរ៉ុបក្នុងតម្លៃថោកជាងប្រទេសរុស្ស៊ីទៅទៀត ៕
ប្រែសម្រួល៖ ម៉ែវ សាធី
