ខេត្តព្រះសីហនុ៖ សេចក្តីរាយការណ៍ពីនគរបាលស្រុកព្រៃនប់បានឲ្យដឹងថា នៅវេលាម៉ោង៩ និង៣០នាទីថ្ងៃទី១៧ ខែមីនា ឆ្នាំ២០១៧ មានករណីគ្រោះថ្នាក់ចរាចរណ៍មួយបង្កឡើងខ្លួនឯង ដោយបុរសម្នាក់ស្រវឹងស្រាជិះម៉ូតូយប់ងងឹតជ្រុលបុកដើមឈើបណ្តាលឲ្យដួលបោកក្បាលបែកមុខស្លាប់យ៉ាងអាណោចអាធ័ម ស្ថិតនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។

បុរសរងគ្រោះមានឈ្មាះស៊ីវ ដៀងអាយុ៤៨ឆ្នាំ ស្នាក់នៅភូមិ-ឃុំកើតហេតុ បានជិះម៉ូតូម៉ាកហុងដាឌ្រីម សេ១២៥ ស៊េរី២០១៧ ពណ៌ខ្មៅ ពាក់ស្លាកលេខព្រះសីហនុ1C-4684 ស្ថិតក្នុងស្ថានភាពស្រវឹងបានបុកដើមទឹកដោះគោបណ្ដាលឲ្យស្លាប់នៅនឹងកន្លែង ។

តាមការអះអាងរបស់កូនស្រីជនរងគ្រោះឈ្មោះស៊ីវ ធីត អាយុ២៥ឆ្នាំ បានបញ្ជាក់ថា ឪពុកគាត់ពិតជាបានជួបគ្រោះថ្នាក់ចរាចរណ៍ដោយខ្លួនឯងមែន៕ ឆ្លាម សមុទ្រ