ភ្នំពេញ៖ នៅវេលាម៉ោង១និង៥០នាទីថ្ងៃ៥ ខែមេសា ឆ្នាំ២០១៧ កម្លាំងល្បាតប៉ុស្តិ៍បឹងត្របែកឃាត់ខ្លួនក្មេងស្ទាវ៧នាក់ពាក់ព័ន្ធប្រើប្រាស់គ្រឿងញៀនខុសច្បាប់ នៅចំណុចមុខសាលាបថមសិក្សាហ៊ុននាង ផ្លូវ៤៨៤ ក្រុម២៥ ភូមិ៨ សង្កាត់បឹងត្របែក ខណ្ទចំការមន រាជធានីភ្នំពេញ។

បើតាមប្រភពព័ត៌មានពីនគរបាលប៉ុស្តិ៍បឹងត្របែកបានប្រាប់ឲ្យដឹងថា កម្លាំងល្បាតរបស់លោកកំពុងល្បាតតក្នុងមូលដ្នានខណៈជិះមកដល់ចំណុចកើតហេតុខាងលើក៏ប្រះឃើញក្មេងស្ទាវ៧នាក់អង្គុយជក់ថ្នាំញៀននៅក្បែរម៉ូតូធូដេ ពណ៌ក្រហម ក៏ធ្វើការត្រួតពិនិត្យជនសង្ស័យខាងលើ ឃើញមានប្រដាប់ជក់មួយចំនួន ក៏បានធ្វើការឃាត់ខ្លួនទាំង៧នាក់តែម្តង។

បច្ចុប្បន្នក្មេងស្ទាវ៧នាក់ខាងលើនិងវត្ថុតាងត្រូវសមត្ថកិច្ចប៉ុស្តិ៍បឹងត្របែកបញ្ជូនទៅអធិការដ្នាននគរបាលខណ្ឌចំការមនដើម្បីកសាងសំណុំរឿងចាត់ការតាមច្បាប់ ៕ ស រស្មី