ភ្នំពេញ៖ ជនសង្ស័យ១ក្រុមមានគ្នា៣នាក់ប្រដាប់ដោយកាំភ្លើងខ្លី១ដើមមិនចាំម៉ាកធ្វើសកម្មភាពភ្ជង់ប្លន់ម៉ូតូ១គ្រឿងពីយុវជនម្នាក់បានសម្រេចដោយសុវត្ថិភាពមិនរំខានដល់សមត្ថកិច្ច។

ករណីភ្ជង់ប្លន់ទាំងកណ្តាលថ្ងៃនេះកើតឡើងនៅវេលាម៉ោង១២និង១២នាទីថ្ងៃត្រង់ទី៦ ខែមេសា ឆ្នាំ២០១៧ ស្ថិតនៅផ្លូវលំខាងក្រោយប៉ុស្តិ៍នគរបាលទឹកថ្លា ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ជនរងគ្រោះមានឈ្មោះយ៉ូយ រ៉ូយ៉ាល់ អាយុ២២ឆ្នាំ មុខរបរធ្វើម៉ូតូ ស្នាក់នៅពោធិចិនតុង ជិះម៉ូតូម៉ាកហុងដាឌ្រីម សេ១២៥ ស៊េរី២០១៥ ពាក់ស្លាកលេខភ្នំពេញ1_ _ -6153។

តាមសម្ដីរបស់សមត្ថកិច្ចបានឲ្យដឹងថា ករណីនេះសមត្ថកិច្ចបានសន្និដ្ឋានថាមិនមែនជាករណីប្លន់ទេ។ ទោះជាយ៉ាងណាសមត្ថកិច្ចបាននឹងកំពុងធ្វើការសាកសួរនិងស្រាវជ្រាវបន្ត៕ តុង សីហា