ភ្នំពេញ ៖ មានអគ្គិភ័យឆាបឆេះផ្ទះប្រជាពលរដ្ឋអស់១ខ្នង ខណៈម្ចាស់មិននៅផ្ទះ ស្ថិតនៅសង្កាត់ព្រៃស ខណ្ឌដង្កោ បានកើតឡើងកាលពីវេលាម៉ោង២ និង៥០នាទី ថ្ងៃទី៦ ខែមេសា ឆ្នាំ២០១៧ ។

សមត្ថកិច្ចជំនាញ និងអាជ្ញាធរមូលដ្ឋានក៏បានចុះជួយអន្តរាគមន៍បាញ់ទឹកពន្លត់  ប៉ុន្តែផ្ទះ១ខ្នងត្រូវ បានឆេះអស់ទាំងស្រុងមុនការចុះមកអន្តរាគមន៍ ។ យ៉ាងណាសមត្ថកិច្ចក៏បានបាញ់ទប់ស្កាត់ មិនឲ្យរាលដាលនិងបានរលត់ទៅវិញនៅវេលាម៉ោង៣និង១៧នាទី ។

សម្ភារខូចខាតមាន ផ្ទះ១ខ្នងប្រក់ស័ង្កសី , ម៉ូតូ១គ្រឿង និងសម្ភារមួយចំនួនទៀត ៕ ភារ៉ា