ខេត្តកណ្តាល ៖ បុរសម្នាក់ត្រូវបានសមត្ថកិច្ចប៉ុស្តិ៍នគរបាលរដ្ឋបាលភ្នំបាតឃាត់ខ្លួន បន្ទាប់ពីទទួលពាក្យបណ្តឹងពីឪពុកនារីរងគ្រោះ ដោយចោទប្រកាន់ថា បានគំរាមល្បួងកូនស្រីគាត់យកទៅរំលោភនៅក្នុងព្រៃរហូតបានសម្រេច ខណៈបានដើរទៅផ្លាស់គោនៅខាងកើតភូមិ ។
ការចុះឃាត់ខ្លួនបុរសជាប់សង្ស័យខាងលើធ្វើឡើងនៅវេលាម៉ោង៩ព្រឹក ថ្ងៃទី១០ ខែមេសា ឆ្នាំ២០១៧ ។
យោងតាមពាក្យបណ្តឹងរបស់ឪពុកនារីរងគ្រោះឲ្យដឹងថា ក្នុងអំឡុងខែមីនា ឆ្នាំ២០១៧ ម៉ោងប្រហែល១២ថ្ងៃ ស្ថិតក្នុងភូមិកំពង់ក្រសាំង ឃុំភ្នំបាត ស្រុកពញាឮ ខេត្តកណ្តាល កូនស្រីរបស់គាត់ឈ្មោះផន ម៉ាលីន បានដើរទៅផ្លាស់គោឲ្យស៊ីស្មៅនៅខាងកើតភូមិ ក្នុងពេលនោះស្រាប់តែជនសង្ស័យឈ្មោះម៉ាច សាម៉េត បានធ្វើសកម្មភាពចាប់រំលោភសេពសន្ថវៈកូនស្រីរបស់គាត់ រហូតបានសម្រេច រួចហើយគំរាមថា បើហ៊ាននិយាយប្រាប់ឪពុកម្តាយ បងប្អូន ថ្ងៃក្រោយមកផ្លាស់គោទៀត វានិងសម្លាប់ចោល ។
ជនសង្ស័យឈ្មោះ ម៉ាច សាម៉េត ភេទប្រុស អាយុ៣១ឆ្នាំ ជនជាតិខ្មែរ មុខរបរកសិករ មានទីលំនៅភូមិកំពង់ក្រសាំង ឃុំភ្នំបាត ស្រុកពញាឮ ខេត្តកណ្តាល(ឃាត់ខ្លួន)។ ចំណែកនារីរងគ្រោះឈ្មោះផន ម៉ាលីន អាយុ១៣ឆ្នាំ ជនជាតិខ្មែរ មុខរបរកសិករ មានទីលំនៅភូមិកំពង់ក្រសាំង ឃុំភ្នំបាត ស្រុកពញាឮខេត្តកណ្តាល។
បន្ទាប់ពីសុំគោលការណ៍រួចនៅថ្ងៃខែឆ្នាំដដែលវេលា១៥និង១០នាទីកម្លាំងផ្នែកនគរបាលយុត្តិធម៌បានហៅជនសង្ស័យឈ្មោះម៉ាច សាម៉េតមកសាកសួរនៅអធិការដ្ឋាននគរបាលស្រុកពញាឮ ខេត្តកណ្តាល ។
នៅចំពោះមុខសត្ថកិច្ចជនសង្ស័យបានសារភាពថា នៅថ្ងៃកើតហេតុ មិនចាំថ្ងៃ ក្នុងខែមីនា ឆ្នាំ២០១៧ វេលាម៉ោងប្រហែល១៣ ខ្លួនបានជួបជនរងគ្រោះនៅក្នុងព្រៃខាងកើតភូមិនៅពេលដែលនារីរងគ្រោះដើរទៅផ្លាស់គោ ហើយក៏បាននិយាយលួងលោមទំនាក់ទំនងស្នេហាជាមួយរហូតត្រូវរូវគ្នា ។ បន្ទាប់មកបាននាំនារីរងគ្រោះទៅដេករួមភេទក្នុងព្រៃរហូតបានសម្រេច ដោយបានសួរទៅនារីរងគ្រោះថា ម៉េចលះបង់ខ្លួនអោយខ្ញុំ អត់ស្តាយទេអី? នារីរងគ្រោះឆ្លើយថាអត់ខ្លាចទេព្រោះមនុស្សខ្លួនស្រលាញ់ ។
យ៉ាងណា នារីរងគ្រោះស្ថិតក្នុងអនីតិជននៅឡើយ ដូច្នេះសមត្ថកិច្ចត្រូវនាំខ្លួនជនសង្ស័យមកកាន់អធិការដ្ឋាននគរបាលស្រុកពញ្ញាឮ ដើម្បីចាត់ការបន្តតាមនីតិវិធី ៕ ស្អាងជ័យ
