ភ្នំពេញ ៖ នារសៀលថ្ងៃទី១៧ ខែមេសា ឆ្នាំ២០១៧ សម្តេចវិបុលសេនាភក្តី សាយឈុំ ប្រធានព្រឹទ្ធសភានៃព្រះរាជាណាចក្រកម្ពុជា និង លោកជំទាវ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបូជាសព លោក សាយ សុផល ជំនួយការផ្ទាល់ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា ដែលបានទទួលមរណភាពកាលពីវេលាម៉ោង១៩:៤៥នាទី ល្ងាចថ្ងៃទី១៦ ខែមេសា ឆ្នាំ២០១៧ ក្នុងជន្មាយុ៣៧ឆ្នាំ ដោយឧបទ្ទវហេតុ ។

ពិធីនេះមានការអញ្ជើញចូលរួមពីសមាជិក សមាជិកាព្រឹទ្ធសភា ទីប្រឹក្សា ថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានព្រឹទ្ធសភា។

ពិធីបូជាសពនេះ ប្រព្រឹត្តទៅនៅវត្តកោះ ស្ថិតក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ ៕