ខេត្តស្វាយរៀង ៖ មានការណ៍ភ្ញាក់ផ្អើលដល់ប្រជាពលរដ្ឋមកចោមរោមមើលដោយប្រទះឃើញសាកសពស្ត្រីម្នាក់ដេកស្លាប់ទាំងអាក្រាតកាយនៅក្នុងទឹកប្រឡាយមួយជាប់ថ្នល់តាព្រឹម ស្ថិតក្នុងសង្កាត់បាទី ក្រុង បាវិត ខេត្តស្វាយរៀងកាលពីវេលាម៉ោង៣ និង៣០នាទីរសៀលថ្ងៃទី២២ ខែមេសា ឆ្នាំ២០១៧។
បើតាមលោកវរសេនីយ៍ទោ កែវ សុថា នាយការិល័យនគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តស្វាយរៀងបានឲ្យដឹងថា ពិតជាមានករណីនេះមែន ប៉ុន្តែសមត្ថកិច្ចពុំទាន់ស្គាល់អត្តសញ្ញាណសពនោះទេ។
ប្រភពខាងលើបានបន្តទៀតថា ក្រោយពីទទួលបានព័ត៌មានថា ប្រទះឃើញសាសពស្ត្រីម្នាក់ដេកស្លាប់ក្នុងទឹកប្រឡាយត្រង់ចំណុចកើតហេតុខាងលើនោះសមត្ថកិច្ចជំនាញបានរួមនិងគ្រូពេទ្យពិនិត្យសាកសពបានចុះដល់កន្លែងកើតហេតុដើម្បីពិនិត្យកោសល្យវិច្ច័យ។

ហើយចំពោះសាកសពមានអាយុប្រហែល ១៩ ទៅ ២០ ឆ្នាំ បានដេកស្លាប់នៅក្នុងទឹកប្រឡាយ ចំងាយពីផ្លូវជាតិលេខ(១)ទៅទិសខាងត្បូងប្រហែល ១០០០ ម៉ែត្រអាក្រាត ខោឃោប៑យជើងត្រឹមជង្គង់ និង ខោលីអូ នៅលើភ្លឺប្រឡាយ ខាងត្បូងសាកសព ។
បើតាមនគរបាលជំនាញថាពេលលើកសាកសពមកលើគោក ពិនិត្យឃើញ សាកសពមានសភាពឡើងហើមមានក្លិនស្អុយចូលមិនចង់ចុះ និង របកស្បែកមើល
មិនស្គាល់ ជ្រុះសក់មួយចំនួន សន្និដ្ឋាន ស្លាប់ រយៈពេលពី ៣ ទៅ៤ ថ្ងៃហើយ ។
បច្ចុប្បន្នសមត្ថកិច្ចកំពុងដុតដៃដុតជើងស្រាវជ្រាវរកអត្តសញ្ញាណសពនិងរកមូលហេតុនៃការស្លាប់នេះថាជាករណីឃាតកម្មឬជាករណីអ្វីផ្សេងទៀត៕