ក្រុមសកម្មជននៅកូរ៉េខាងត្បូងកាលពីថ្ងៃទី២៣ បានបង្ហោះប៉េងប៉ោងផ្ទុក ខិត្ដប័ណ្ណប្រឆាំងកូរ៉េខាងជើងនៅតំបន់ Paju ភាគខាងលិចទីក្រុងសេអ៊ូល។
ក្រុមសកម្មជនមួយក្រុមបានបង្ហោះ ប៉េងបោងផ្ទុកខិត្ដប័ណ្ណ៩សែនសន្លឹក ដែលមានខ្លឹមសារប្រឆាំងទៅនឹងការសាក ល្បងគ្រាប់បែកបរមាណូ។ ក្រោយមួយ ម៉ោងក្រុមសកម្មជនផ្សេងទៀតក៏បាន បង្ហោះប៉េងប៉ោងផ្ទុកខិត្ដប័ណ្ណ១.២លានសន្លឹកបង្ហោះចូលទៅទឹកដីកូរ៉េខាងជើង តែធ្លាក់នៅតំបន់សព្រំដែនប្រទេសទាំងពីរ។
ភាគីកូរ៉េខាងជើងបានស្នើរដល់កូរ៉េ ខាងត្បូងឱ្យបញ្ចប់សកម្មភាពខាងលើ ប៉ុន្ដែរដ្ឋាភិបាលកូរ៉េខាងត្បូងមិនអាច បញ្ចប់សកម្មភាពនោះបានឡើយដោយសារតែវាជាសិទ្ធិសេរីភាពក្នុងការបញ្ចេញ មតិ។
បញ្ហាខាងលើបានប្រែក្លាយទៅជា មូលហេតុធ្វើឱ្យប្រឈមមុខតានតឹងដាក់គ្នារវាងប្រទេសទាំង២ ប៉ុន្ដែរដ្ឋាភិបាល មិនមានវិធានការណាមួយទប់ស្កាត់។
កន្លងមកថ្មីៗកូរ៉េខាងត្បូងក៏បានដាក់ ប្រដាប់បំពងសំឡេងនៅតាមព្រំដែនបង្ក ឱ្យមានប៉ះទង្គិចគ្នាកើតឡើង។ ការ ប្រឈមមុខដាក់គ្នានាពេលនោះវានឹង ផ្ទុះសង្គ្រាមជាទ្រង់ទ្រាយធំកើតឡើង តែ សំណាងល្អប្រទេសទាំង២សម្រេចចរចាគ្នានៅនាទីចុងក្រោយ ៕
ប្រែសម្រួល៖ ម៉ែវ សាធី
