ភ្នំពេញ៖ ជនសង្ស័យម្នាក់ជាចោរលួចកាច់កម៉ូតូ បានរងរបួសធ្ងន់រហូតដល់ស្លាប់បាត់បង់ជីវិតពេលសមត្ថកិច្ចដឹកបញ្ចូនទៅកាន់មន្ទីរពេទ្យកាលម៉ែតភ្លាមៗ ខណៈដែលរូបគេបានធ្វេីសកម្មភាពលួចកាច់កម៉ូតូមិនបានសម្រេចក៏ត្រូវប្រជាពលរដ្ឋចាប់បាន ហេីយបានវាយម្នាក់មួយដៃម្នាក់ មួយជេីង ។

ករណីខាងលេីនេះបានកេីតឡេីងកាលពីវេលា ម៉ោង០៧និង៤៥នាទីយប់ ថ្ងៃទី២៤ ខែកញ្ញា ឆ្នាំ ២០១៥ នៅចំនុចផ្លូវ៥៥កែងសីហនុ សង្កាត់ចតុមុខ ខណ្ឌដូនពេញ ហេីយបានស្លាប់នៅម៉ោង១១យប់ថ្ងៃដដែល ។

ជនសង្ស័យមិនទាន់ស្គាល់អត្តសញ្ញាណនោះទេ ភេទប្រុស សំបុលស្រអែម សក់ខ្លី អាយុប្រហែល២៩ឆ្នាំ ពាក់អាវយឺតពណ៏ទឹកក្រូច ខោខៅប៊ូយជេីងខ្លី និងមានសាក់រូបនាគនៅដៃខាងឆ្វេង។ វត្ថុតាងនៅជាប់និងខ្លួនមាន ដែកអក្សរតេសំរាប់កាច់កម៉ូតូចំនួន០១ ។

តាមប្រភពពីសមត្ថកិច្ច បានឲ្យដឹងថា នៅមុនពេលកេីតហេតុ ជនសង្ស័យបានដេីរមកធ្វេីសកម្មភាពលួចកាច់កម៉ូតូរបស់ប្រជាពលរដ្ឋដែលចតនៅលេីចិញ្ចឹមផ្លូវ ពេលកំពុងធ្វេីសកម្មភាព ក៏ត្រូវប្រជាពលរដ្ឋបានឃេីញ នាំគ្នាដេញតាមចាប់ក្របួចជាប់ ហេីយវាយម្នាក់មួយដៃម្នាក់មួយជេីង បណ្ដាលឲ្យ រងរបួសធ្ងន់រហូតដល់ស្លាប់បាត់ បង់ជីវិតពេលសមត្ថកិច្ចដឹកបញ្ចូនទៅកាន់មន្ទីរពេទ្យកាលម៉ែតភ្លាមៗផងដែរ ៕

ដោយ៖ ស ដារ៉ា