ភ្នំពេញ៖ ជិះម៉ូតូជែងរថយន្តមិនផុតជ្រុលទៅបុកម៉ូតូកង់បីរបួសធ្ងន់ម្នាក់និងស្រាល់ម្នាក់ គ្រោះថ្នាក់នេះបានកើតឡើងវេលាម៉ោង០១និង០០រសៀលថ្ងៃទី២៥ ខែកញ្ញា ឆ្នាំ២០១៥ តាមផ្លូវបេតុងកំពុងសាងសង់ក្នុងបុរី លឹម ឈៀងហាក់ ដែលស្ថិតក្នុងភូមិម៉ល សង្កាត់ដង្កោ ខណ្ឌដង្កោ ។

ប្រភពពីកម្មករសំណង់ដែលនៅកន្លែងនោះបានឣោយដឹងថា មុនពេលកើតហេតុបានឃើញម៉ូតូហុងដាឌ្រីមសេ១២៥ សេរី២០១០ ពាក់ស្លាកលេខកណ្តាល 1L-4554 បានបើកបរក្នុងទិសដៅពីលិចទៅកើត បើកដោយបុរសម្នាក់ជានាក់រត់ម៉ូតូឌុបដឹកនារី២នាក់ខាងលើបានវ៉ារថយន្តតែមិនផុតក៏បានជ្រុលទៅបុកម៉ូតូសណ្តោងរ៉ុម៉កដែលជិះបញ្ច្រាសទិសគ្នាបណ្តាលឣោយស្រ្តីម្នាក់រងរបួសបាក់ជើងខាងឆ្វេង ហើយភ្លាមៗនោះត្រូវបានបញ្ចូនទៅមន្ទីរពេទ្យបង្អែកខណ្ឌដង្កោ ។

ក្រោយពីកើតហេតុភា្លមនោះត្រូវបានសម្ថតកិច្ចបានចុះមកធ្វើការវាស់វែងហើយបានយកវត្ថុតាងទាំង២ទៅរក្សារទុកនៅអធិកាដ្ឋាននគរបាលខណ្ខដង្កោរងចាំដោះស្រាយនៅពេលក្រោយ ៕

ដោយ៖ ភារ៉ា ដង្កោ