ខេត្ដព្រះសីហនុ៖ យ៉ាងហោចមនុស្ស ២នាក់បានស្លាប់គៀបជាប់នៅក្នុងរថ យន្ដទួរីសនិង៦នាក់ទៀតរងរបួសធ្ងន់ ស្រាលនៅក្នុងករណីរថយន្ដទួរីសខាងលើ នេះត្រូវរថយន្ដកុងតឺន័របុកពេញទំហឹង។
ករណីគ្រោះថ្នាក់ចរាចរណ៍ដ៏រន្ធត់នេះ បានកើតឡើងនៅវេលាម៉ោង២ ថ្ងៃទី២៦ ខែកញ្ញា ឆ្នាំ២០១៥ នៅចំណុចចំណោត បិតត្រាំង ស្ថិតនៅភូមិពូធឿង ភូមិបិត ត្រាំង ស្រុកព្រៃនប់ ខេត្ដព្រះសីហនុ។
នគរបាលបានឱ្យដឹងថា រថយន្ដទួរីស ដែលត្រូវរថយន្ដកុងតឺន័របុកឱ្យខូចខាត ទាំងស្រុកម៉ាកហ៊ីយានដាយ ពាក់ស្លាក លេខកំពង់ស្ពឺ 2A-2356 ។ នៅក្នុងរថ យន្ដរាប់ទាំងអ្នកបើកបរមានមនុស្ស៨ នាក់បានជិះនៅក្នុងរថយន្ដហើយ២នាក់ បានស្លាប់នៅក្នុងកាប៊ិននិង៦នាក់ទៀត រងរបួសធ្ងន់ស្រាលត្រូវបានគេបញ្ជូនទៅ សង្គ្រោះក្រោយកើតហេតុ។
ចំណែករថ យន្ដកុងតឺន័រដែលចុះចំណោទពីចំណុច បិតត្រាំងសំដៅមកភ្នំពេញម៉ាក ហ្វ៊ុយ ហ្ស៊ូ ពាក់ស្លាកលេខព្រះសីហនុ3A-1878 ដែលក្រោយពីកើតហេតុអ្នកបើកបរ រថយន្ដកុងតឺន័រនេះបានរត់គេចខ្លួន ដោយបន្សល់ទុករថយន្ដនៅកន្លែងកើតហេតុ។
នគរបាលបានបញ្ជាក់ថា សាកសពជនរងគ្រោះនិងអ្នករងរបួសធ្ងន់សមត្ថ កិច្ចនិងប្រជាពលរដ្ឋបានប្រើរយៈពេល ជាច្រើនម៉ោងទម្រាំគាស់យកសាកសព និងជនរងគ្រោះចេញពីរថយន្ដបានព្រោះ រថយន្ដបានកំពិតគៀបជាប់ជនរងគ្រោះ។
នគរបាលបានឱ្យដឹងថា ជនរងគ្រោះ ទាំងស្លាប់និងរបួសធ្ងន់ស្រាលនៅពុំទាន់ ស្គាល់អត្ដសញ្ញាណនៅឡើយទេ តែដឹង ថា ជនរងគ្រោះមានទីលំនៅក្នុងរាជធានី ភ្នំពេញ។
បច្ចុប្បន្នរថយន្ដទាំង២គ្រឿងត្រូវបាន សមត្ថកិច្ចស្ទួចបញ្ជូនទៅរក្សាទុកនៅ អធិការដ្ឋាននគរបាលស្រុកព្រៃនប់ដើម្បី រង់ចាំដោះស្រាយតាមផ្លូវច្បាប់ ៕
ដោយ៖ ឆ្លាមសមុទ្រ
