ភ្នំពេញ៖ ជនសង្ស័យម្នាក់ត្រូវបាន កម្លាំងកងរាជអាវុធហត្ថខណ្ឌដូនពេញឃាត់ខ្លួន ខណៈរូបគេធ្វើសកម្មភាពចែក ចាយគ្រឿងញៀនហើយកម្លាំងល្បាតប្រទះ ឃើញចាប់បានជាក់ស្ដែង តែម្ដង ។
ករណីខាងលើនេះបានធ្វើឡើងកាលពីវេលាម៉ោង១១យប់ ថ្ងៃទី២៥ ខែកញ្ញា ឆ្នាំ២០១៥ នៅចំណុចផ្លូវលេខ១៧២ កែងផ្លូវលេខ៥១ សង្កាត់ផ្សារថ្មី៣ ខណ្ឌ ដូនពេញ ។
លោកលី គឹមឡេង មេបញ្ជាការរង កងរាជអាវុធហត្ថខណ្ឌដូនពេញបានឱ្យ ដឹងថា ជនសង្ស័យឈ្មោះចាន់ ណារិទ្ធ ភេទប្រុស អាយុ២៨ឆ្នាំ មុខរបររត់ម៉ូតូ ឌុប ស្នាក់នៅផ្ទះលេខ4EZ សង្កាត់ជ័យ ជំនះ ខណ្ឌដូនពេញ ។
ក្នុងករណីឃាត់ខ្លួនជនសង្ស័យខាងលើកម្លាំងកងរាជអាវុធហត្ថដកហូតវត្ថុតាង មានថ្នាំញៀនប្រភេទក្រាមពណ៌សថ្លា ហៅម៉ាទឹកកក១កញ្ចប់តូច,ម៉ូតូ១គ្រឿងម៉ាកហុងដាសេ១២៥ ពណ៌ខ្មៅ ពាក់ ស្លាកលេខកណ្ដាល 1I-2092, ទូរស័ព្ទ ម៉ាកណូគា១គ្រឿងនិងកូនកន្ដ្រៃ១ ។
បច្ចុប្បន្នជនសង្ស័យកំពុងឃាត់ខ្លួននៅ បញ្ជាការដ្ឋានកងរាជអាវុធហត្ថខណ្ឌដូនពេញដើម្បីសាកសួរនិងកសាងសំណុំរឿងបញ្ជូនបន្ដទៅបញ្ជាការដ្ឋានកងរាជអាវុធ ហត្ថរាជធានីចាត់ការតាមច្បាប់ ៕
ដោយ៖ ស ដារ៉ា
